Ndutim Esoputom

Urua Ọtọn̄ọde March 12

Ikwọ 112

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.

Min. 15: Mme udọn̄ n̄kann̄kụk.

Min. 20: “April—Ini ‘Ndinam Utom Ọkpọsọn̄ Nnyụn̄ Nsịn̄ede Idem.’” (Ikpehe ekikere 1-13) Esenyịn oro etiede ibuot edise aban̄a. Ufiop ufiop nneme kaban̄a se nnyịn iyomde ndinam ke April. Sịn udọn̄ nọ kpukpru owo ke esop ndinam udeme esie ndisịm utịtmbuba eke edibuana ọyọhọ ọyọhọ ke utom ukwọrọikọ ke ọfiọn̄ oro.

Ikwọ 147 ye akam ediberi.

Urua Ọtọn̄ọde March 19

Ikwọ 166

Min. 8: Mme ntọt n̄kann̄kụk. Ntọt ibatokụk.

Min. 17: “Tịn̄ Enyịn ke Mme Utịbe Utom Abasi.”a Wụt n̄kpọ ifan̄ ke obufa n̄wed emi oro anamde esịtekọm kaban̄a ntịn̄nnịm ikọ Isaiah ọkọri.

Min. 20: “April—Ini ‘Ndinam Utom Ọkpọsọn̄ Nnyụn̄ Nsịn̄ede Idem.’” (Ikpehe ekikere 14-30) Esenyịn utom edise aban̄a. Utịn̄ikọ ye ikpehe mbụme ye ibọrọ oro ẹsatde-sat. Kpukpru owo ẹkpenyene ndinam ndutịm oro ọfọnde ndibuana adan̄a nte ẹkekeme ke utom ukwọrọikọ ke April. Tịn̄ ban̄a ofụri ndutịm ẹnamde ẹnọ mme mbono an̄wautom ke ọfiọn̄ oro. Sịn udọn̄ nọ kpukpru owo emi ẹkemede ẹnam utom usiakusụn̄ unọ un̄wam ẹnyụn̄ ẹbọ n̄wed eben̄e ke mbono esop asuanade.

Ikwọ 188 ye akam ediberi.

Urua Ọtọn̄ọde March 26

Ikwọ 204

Min. 10: Mme ntọt n̄kann̄kụk. Ti nditọete ete ke ini ibehe ikaha ndisịn n̄wed eben̄e usiakusụn̄ unọ un̄wam ke April. Sịn udọn̄ nọ kpukpru owo nditiene ndutịm edikot Bible eke Editi emi ẹdiomide ẹnọ April 3-8, nte ẹwụtde ke Ẹdụn̄ọde N̄wed Abasi ke Usen ke Usen—2001. Tọt ini emi ẹdinịmde Ukpepn̄kpọ Enyọn̄-Ukpeme ke urua Editi. Kûfre akpan utịn̄ikọ an̄wa ke Sunday emi, April 1, ke ibuotikọ oro “Mmanie ke Ẹkeme Ndinyan̄a?” Sịn udọn̄ nọ kpukpru owo ndibuana ke utom ukwọrọikọ ke usen oro, man ẹtọn̄ọ April ke eti usụn̄.

Min. 20: “Ẹyak Kpukpru Nnyịn Ikpono Jehovah ye Eyen Esie.” Edemede-owo-udọn̄ utịn̄ikọ N̄wed Abasi emi ebiowo ọnọde. Sịn udọn̄ nọ kpukpru owo ndibuana ọyọhọ ọyọhọ nte ẹkekeme ke akpan ndutịm oro ẹnamde ẹnọ April ndinyụn̄ nsịn ọkpọsọn̄ ukeme ndinọ mme owo ikot ndidụk Editi.

Min. 15: Nditịm Mme Nneme Magazine Nnyịn. Nnyịn idinọ Enyọn̄-Ukpeme ye Awake! ke April. Dụn̄ọde page 8, ikpehe ekikere 3 ye 10, ke Utom Obio Ubọn̄ Nnyịn eke October 1996. Wụt (1) ibuotikọ, (2) akpan n̄kpọ ndida nnyene nneme, (3) mbụme ndida ndemede udọn̄, ye (4) ekemini itien̄wed Abasi oro ẹkemede ndida nnam n̄kpọ uforo uforo ke ndinọ magazine ndondo emi. Domo ndida ediye uduot ekpri n̄wed Oyom m̀mê n̄wed Ifiọk ntọn̄ọ ukpepn̄kpọ Bible ye mbon oro ẹnyenede udọn̄. Beri ye nnamn̄wụt oro ẹtịmde idem mfọn mfọn ke nte ẹkemede ndinam emi ke akpa ediwaha.

Ikwọ 207 ye akam ediberi.

Urua Ọtọn̄ọde April 2

Ikwọ 220

Min. 9:  Mme ntọt n̄kann̄kụk. Ti mme asuanetop ndinọ ibatutom an̄wautom eke March. Dụn̄ọde “Se Ẹtide Owo Ẹban̄a Editi.”

Min. 18: “Ima Onụk Nnyịn Ndikwọrọ Ikọ”b Sio mme itien̄wed Abasi oro ẹdude ke ibuotikọ wụt. Sịn mme ekikere oro ẹdude ke Insight, Eboho 2, page 673, ikpehe ekikere 1. Dọhọ asuanetop emi anamde utom ifịk ifịk ke ediwak isua obụk nte ima emi enye enyenede ọnọ Abasi onụkde enye ndika iso ke utom ukwọrọikọ. Sịn udọn̄ nọ kpukpru mme asuanetop ndibuana ke utom unọ ikọ ntiense ke April ye ke mme ọfiọn̄ oro ẹditienede.

Min. 18: “N̄wam Mbon Efen Ẹdụk Mme Mbono Esop”c Esịne-esịt Utom Obio Ubọn̄ Nnyịn eke June 1996, ikpehe ekikere 14-16, ọnọ mme ekikere efen efen kaban̄a edida nditọ ukpepn̄kpọ Bible n̄wụt esop. Wụt nte ẹkemede ndida ediye uduot ekpri n̄wed Oyom (ukpepn̄kpọ 5, ikpehe ekikere 7) ye n̄wed Ifiọk (ibuot 5, ikpehe ekikere 22) nnam n̄kpọ ke ntọn̄ọ ntọn̄ọ ndisịn udọn̄ nnọ edidụk mbono esop. Ke ndinam emi an̄wan̄a, dọhọ ẹnam nnamn̄wụt oro ẹtịmde idem mfọn mfọn emi asuanetop emi odotde esịnde udọn̄ ufiop ufiop ọnọ eyen ukpepn̄kpọ ndinen̄ede n̄kere mban̄a edidụk mme mbono esop.

Ikwọ 47 ye akam ediberi.

[Mme ikọ idakisọn̄]