Ndutịm Esoputom

Urua Ọtọn̄ọde June 11

Ikwọ 178

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndise vidio Jehovah’s Witnesses Stand Firm Against Nazi Assault ke nditịm idem nnọ nneme ke Esoputom eke urua June 18.

Min. 15: “Ka Iso ke ‘Edinam Eti N̄kpọ.’” Utịn̄ikọ nsịnudọn̄ N̄wed Abasi emi ebiowo ọnọde.

Min. 20: “Sịm Esịt Eyen Ukpepn̄kpọ Fo.”a Sịn nti ekikere ke nte ẹkpekemede ndin̄wam mbufa owo ẹkọri mbuọtidem ye ima ke esịt mmọ ẹnọ Jehovah ye Jesus. Da mme akpan n̄kpọ oro ẹdude ke Enyọn̄-Ukpeme eke July 15, 1999, page 14, ikpehe ekikere 18-20, nam n̄kpọ.

Ikwọ 184 ye akam ediberi.

Urua Ọtọn̄ọde June 18

Ikwọ 194

Min. 5: Mme ntọt n̄kann̄kụk. Ntọt ibatokụk.

Min. 10: Ndibọrọ Mme Ikọ Utre Nneme. Nneme otuowo. Dụn̄ọde “Ekikere Ẹnọde” ke n̄wed oro Nte Ẹkpetọn̄ọde Ẹnyụn̄ Ẹkade Iso ke Nneme Bible, page 7-8. Ke page 8-12, sat ndusụk ubiọn̄ọ oro ẹsisobode ke efakutom mbufo. Dọhọ otuowo ẹneme ibọrọ oro ẹkenyenede ufọn ọnọ mmọ ye ntak.

Min. 30: “Mmọsọn̄ọ Nda! Mmọsọn̄ọ Nda! Mmọsọn̄ọ Nda!” Otuowo eneme vidio Stand Firm, adade mme mbụme ẹdude ke ikpehe ekikere 2. Ekem neme ikpehe ekikere 3-4. Beri ye ifiọkutom oro odude ke Awake! eke November 22, 1999, page 31. Ke August nnyịn ididụn̄ọde vidio oro The New World Society in Action.

Mîdịghe, neme “Jehovah’s Witnesses—Courageous in the Face of Nazi Peril.” (Mme Ntiense Jehovah—Ẹnyene Uko kpa ye N̄kpọndịk Nazi) Utịn̄ikọ emi ebiowo ọnọde emi ọkọn̄ọde ke Awake! eke July 8, 1998, page 10-14.

Ikwọ 197 ye akam ediberi.

Urua Ọtọn̄ọde ke June 25

Ikwọ 2

Min. 15: Mme ntọt n̄kann̄kụk. Dụn̄ọde mme n̄wed ẹnọde ke July. Sio akpan n̄kpọ ke ndiye uduot n̄kpri n̄wed iba oro ẹdude ke esop n̄kann̄kụk wụt. Sịn mme nnamn̄wụt oro ẹma ẹketịm idem nte ọfọnde ke nte ẹkpenọde mmọ ke utom ukwọrọikọ. Ke mme nneme oro ẹnọde ekikere, se page edem nsiondi Utom Obio Ubọn̄ Nnyịn eke July ye August 1995 esịm 1997.

Min. 17: “Du ke Edidemede Ndiyom Mbon Inan ke Efakutom Mbufo.”b Edieke odude, siak ibat mbon inan oro ẹdude ke efakutom esop mbufo. Bụk ifiọkutom oro odude ke Utom Obio Ubọn̄ Nnyịn eke February 1998, page 3, ikpehe ekikere 6.

Min. 13: “Didie ke Nnyịn Ikeme Ndinyene Mme Ufọkmbono Obio Ubọn̄ Efen Efen Oro Ẹyomde?”c (Ikpehe ekikere 1-10) Kot ikpehe ekikere 4 nyụn̄ neme ibio ibio ban̄a se ẹyomde ke n̄kann̄kụk man Ufọkmbono Obio Ubọn̄ ọnọ ikọ ntiense oro ọfọnde ke n̄kann̄kụk. (1 Cor. 10:31) Kot ikpehe ekikere 9 nyụn̄ dọhọ ke urua efen, ke nneme udiana ikpehe esịne-esịt oro ayanam obufa ye akamba ifet editiene mbuana ke edibọp mme Ufọkmbono Obio Ubọn̄ an̄wan̄a.

Ikwọ 29 ye akam ediberi.

Urua Ọtọn̄ọde July 2

Ikwọ 5

Min. 5: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke June.

Min. 10: Ekebe Mbụme. Utịn̄ikọ emi ebiowo ọnọde.

Min. 15: Mme Uyen—Ẹwụt Eti Ibuot ke Ndimek Ubọkọkọ Mbufo. Emi edi akpa ke otu ikpehe ita ke Esoputom oro edidụn̄ọrede mme edumbet N̄wed Abasi emi ẹnyenede ebuana ye ubọ ukpep efen efen. Ndusụk uyen Christian ẹbịne ndinyene mme ubọkọkọ ererimbot ebe ke akwa ifiọkn̄wed, emi enyenede idiọk utịp ke idaha eke spirit mmọ. Ikpehe emi edi nneme ke ufọt ete ye eka ye eyeneren ye eyenan̄wan mmọ emi ẹdide uyen. Uyen odu ke idaha emi oyomde ẹnam akpan ubiere kaban̄a mme utịtmbuba ini iso. Okposụkedi ndusụk owo ẹyomde okụk, uku m̀mê inem uwem, ubon odụn̄ọde Bible man okụt se enye esịnde udọn̄ ọnọ. (Se N̄kparawa Owo Ẹbụp, page 174-175; Enyọn̄-Ukpeme eke August 15, 1997, page 21, ye September 1, 1999, page 19-21, ikpehe ekikere 1-3 ye 5-6.) Uyen emi enyịme ete ke owụt eti ibuot ndibịne usụn̄ uwem oro edin̄wamde imọ nte ọfọnde ndisịm mme utịtmbuba ukara Abasi man ẹnam mme ufọn n̄kpọ Obio Ubọn̄ ẹkọri.

Min. 15: “Didie ke Nnyịn Ikeme Ndinyene Mme Ufọkmbono Obio Ubọn̄ Efen Efen Oro Ẹyomde?”d (Ikpehe ekikere 11-21) Nam an̄wan̄a ukpụhọde oro odude ke ufọt anamutom unyịmesịt ubọp Ufọkmbono Obio Ubọn̄ ye asan̄autom ubọp Ufọkmbono Obio Ubọn̄. Kpa ye oro ẹnamde ukem ndutịm ẹnọ mbonutom unyịmesịt ye mme asan̄autom, owo idaha nte ke mbon oro ẹnọde idem ke ibio ini ke utom unyịmesịt ubọp Ufọkmbono Obio Ubọn̄ ẹdu ke utom uyọhọ ini ibọhọke mmọ ke ẹnam utom nte mme asiakusụn̄ ofụri ini. Edieke mmọ ẹdide mme asiakusụn̄ idahaemi, ẹkeme ndinọ mmọ se iwakde isịm hour 70 ke ọfiọn̄ ke ọfiọn̄ ke ini emi mmọ ẹsịnde ke utom ubọp Ufọkmbono Obio Ubọn̄. Mbon oro ẹdotde ke utom emi ẹkeme ndibọ babru Application for Kingdom Hall Construction Volunteer Program (A-25) ẹto esenyịn oro etiede ibuot. Itieutom Ubọp Ufọkmbono Obio Ubọn̄ ọnọ mbon unyịmesịt oro ẹdotde babru Application for Kingdom Hall Construction Servant (A-12). Kot ikpehe ekikere 20 ye Philippi 2:2-4. Nam an̄wan̄a nte mmemmem ndutịm ufọk ye ukeuke Ufọkmbono Obio Ubọn̄ ẹkemede ndinam ẹbọp usọp usọp. Beri ke ndikot ikpehe ekikere 21.

Ikwọ 32 ye akam ediberi.

[Mme ikọ idakisọn̄]