Ndutịm Esoputom

Urua Ọtọn̄ọde March 11

Ikwọ 2

Min. 13: Mme ntọt n̄kann̄kụk. Mme Ntọt ẹsatde-sat eto Utom Obio Ubọn̄ Nnyịn. Ke adade mme ekikere oro ẹnọde ke page 8, sịn nnamn̄wụt iba ndiwụt nte ẹkpenọde Enyọn̄-Ukpeme March 15 ye Awake! March 22. Ke idaha kiet kiet, wụt nsio nsio usụn̄ ndise mban̄a ikọ utre nneme emi, “Nnyeneke Udọn̄.”—Se Nte Ẹkpetọn̄ọde Ẹnyụn̄ Ẹkade Iso ke Nneme Bible, page 8.

Min. 12: Ndimụm Edida San̄asan̄a Christian Nnyịn N̄kama. Utịn̄ikọ oro ebiowo emi odotde ọnọde. Edinam ufreidụt esidemede ke ini ke ini ke ufọkn̄wed, itieutom, ye ke n̄kann̄kụk. Ke ndusụk idụt, mbon oro ẹsịnde udọn̄ ẹnọ emi ẹnam oro nte usụn̄ edinam n̄kpọ mban̄a editịmede esịt ye mfụhọ oro ẹnyenede ẹto mme n̄kpọntịbe eke idụt. Idem okposụkedi nnyịn itienede ikop mfụhọ iban̄a se nnyịn ikụtde ke ererimbot, nnyịn imọfiọk akwa eneni oro aban̄ade unen itie edikara ofụri ererimbot imonyụn̄ ibọ ndọn̄esịt ito etop Obio Ubọn̄. Ke ini idade mbufiọk inam an̄wan̄a mbon efen ntak emi nnyịn mîtieneke ibuana ke mme edinam ufreidụt, nnyịn ikpenyene n̄ko ndibuana ndọn̄esịt ye idotenyịn oro nnyịn ikụtde ke Ikọ Abasi. Ediye uduot ekpri n̄wed oro Mme Ntiense Jehovah ye Ubọ Ukpep, page 20-24, ke idak ekpri ibuotikọ oro “Edikọm Ọfọn̄ Etakubom,” anam ntak emi nnyịn mîtieneke ibuana ke mme usọrọ ufreidụt an̄wan̄a. Neme mme akpan n̄kpọ nyụn̄ sịn udọn̄ nọ mme ete ye eka nditịn̄ enyịn ndụn̄ọde ntọt emi ye nditọ mmọ. Tịn̄ mme ifiọkutom oro ẹdude ke page 20 ke ediye uduot ekpri n̄wed oro ye ke Awake!, January 8, 1996, page 31. Sọn̄ọ tịn̄ nte edide akpan n̄kpọ ndinọ Jehovah san̄asan̄a utuakibuot, ke adan̄aemi ẹwụtde ukpono ẹnọ odudu ukara.

Min. 20: “Ẹnam Nti Utom Uwak Uwak.”a Esenyịn utom edise aban̄a. Sịn udọn̄ nọ kpukpru owo ndibuana ọyọhọ ọyọhọ ke utom ukwọrọikọ ke nditịm idem nnọ edinịm Editi ke March 28. Tịn̄ nte ẹkemede ndida n̄wedikot nnam n̄kpọ nte ọfọnde. Dọhọ mme asuanetop ẹtịn̄ nte mmọ ẹkekemede ndinam mme iman, mme mbọhọidụn̄, nditọ ukpepn̄kpọ Bible mmọ, ye mbon efen oro ẹnyenede udọn̄ ẹdụk Editi isua oko, ye idatesịt oro emi akadade edi. Sịn udọn̄ nọ kpukpru owo oro ẹkemede ndinam utom usiakusụn̄ unọ un̄wam ke April nyụn̄ dọhọ mmọ ẹbọ n̄wed eben̄e usiakusụn̄ ke mbono esop asuanade.

Ikwọ 82 ye akam ediberi.

Urua Ọtọn̄ọde March 18

Ikwọ 7

Min. 10: Mme ntọt n̄kann̄kụk. Ntọt ibatokụk. Neme “Se Ẹtide Owo Ẹban̄a Editi.” Sịn udọn̄ nọ kpukpru owo nditiene ndutịm edikot Bible eke Editi oro ẹdiomide ẹnọ March 23-28, nte ẹwụtde ke Ẹdụn̄ọde N̄wed Abasi ke Usen ke Usen—2002.

Min. 15: “Ndidiana ye Jehovah ye Eyen Esie ke Idatesịt.” Utịn̄ikọ N̄wed Abasi oro edemerede owo udọn̄ emi ebiowo ọnọde. Sịn udọn̄ nọ kpukpru owo ndisịn ukeme efen efen ọtọn̄ọde ke emi tutu esịm March 28 ndikot adan̄a ediwak owo nte ẹkekeme ẹdidụk Editi ye nnyịn.

Min. 20: “Ẹsọn̄ọ Ẹyịre ke Utom Usiakusụn̄.”b Ebiowo edise aban̄a, ọkpọfọn edi asiakusụn̄. Ke ini enemede ikpehe ekikere 3-5, nam ndụn̄ọde ye asiakusụn̄ oro ọyọde ekese man ọsọn̄ọ odu ke udịm mme asiakusụn̄, osiode owụt nte edisọn̄ọ nyịre enyenede ufọn.

Ikwọ 45 ye akam ediberi.

Urua Ọtọn̄ọde March 25

Ikwọ 12

Min. 14: Mme ntọt n̄kann̄kụk. Nam an̄wan̄a nte ke ini ibehe ndinọ n̄wed eben̄e ndinam usiakusụn̄ unọ un̄wam ke April. Ke adade mme ekikere oro ẹnọde ke page 8, nam ebiowo anam owụt nte ẹnọde Enyọn̄-Ukpeme April 1, uyen onyụn̄ owụt nte ẹnọde Awake! April 8. Ke nnamn̄wụt kiet kiet okụrede, sio nti ikpehe ke nneme oro wụt.

Min. 15: Mme udọn̄ n̄kann̄kụk.

Min. 16: Da Mme Ibuotikọ Enyọn̄-Ukpeme Nọ Nsịnudọn̄. Nneme otuowo. Kpukpru owo ẹyom ima ima nsịnudọn̄ ke ini ke ini. Ke ntre, kpukpru nnyịn ikpenyene ndikere ke oyom nnyịn ‘isọn̄ọ mbon iduọ-esịt idem’ esịnede mbon nnanenyịn oro nnyịn isobode ke an̄wautom. (1 Thess. 5:14) Ke adade mme ibuotikọ Enyọn̄-Ukpeme eke ndondo emi ye mbon oro ẹnyenede ebuana [nte w01-EF 2/1 p. 22; w01-EF 5/1 p. 8-13; w00-EF 1/1 p. 30-31; w00-EF 3/1 p. 5-7], dọhọ otuowo ẹtịn̄ m̀mê ewe nsịnudọn̄ N̄wed Abasi ke mmọ ẹkpebuana ye mbon oro ẹsobode kiet ke otu idomo oro ẹtịn̄de ẹban̄a do. Nọ ekikere ete owo kiet kiet odomo ndisịn udọn̄ nnọ owo efen ke ini ekededi oro ẹyomde emi.—Gal. 6:10.

Ikwọ 131 ye akam ediberi.

Urua Ọtọn̄ọde April 1

Ikwọ 27

Min. 7: Mme ntọt n̄kann̄kụk. Ti mme asuanetop ete ẹnọ ibatutom an̄wautom eke March.

Min. 18: “‘Mme Enọ ke Owo’ Ẹkpeme Erọn̄ Abasi Ifịk Ifịk.” Utịn̄ikọ emi ebiowo ọnọde. Neme mme itie N̄wed Abasi oro ẹsiakde ẹsịn. Wụt nte utom ubọkerọn̄ osụn̄ọde ke nti utịp ke idem mbon oro mînamke utom aba onyụn̄ an̄wamde mbon n̄kpọnnam ndinam se mmọ ẹkemede. Mme ima ima ekpemerọn̄ ẹwụt esịtekọm ẹban̄a kpukpru ukeme ofụri esịt mmọ ndika iso nnam utom Jehovah ifịk ifịk.

Min. 20: “Nam Idatesịt Fo ke Utom Ukwọrọikọ Okpon.”c Ke ini enemede ikpehe ekikere 5, dọhọ ẹnọ nti ekikere ke nte ẹkemede ndinam utom oro ẹtịmde ẹnyene ufọn ke efakutom n̄kann̄kụk. Nam uwụtn̄kpọ kiet m̀mê iba wụt nte ikpasan̄ade ikpere owo man itọn̄ọ ibio ibio edinọ ikọ ntiense. Sịn udọn̄ nọ kpukpru owo ndiyom ifet nnọ edinọ ikọ ntiense ke urua emi.

Ikwọ 15 ye akam ediberi.

[Mme ikọ idakisọn̄]