Ndutịm Esoputom

Urua Ọtọn̄ọde November 11

Ikwọ 183

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke ẹdade mme ekikere ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme November 15 ye Awake! November 22. Ke kiet ke otu mme nnamn̄wụt emi, nam an̄wan̄a nte nnyịn isinyenede okụk oro ẹdade ẹse ẹban̄a utom ofụri ererimbot nnyịn.—Se page 2 ke Enyọn̄-Ukpeme m̀mê page 5 ke Awake!

Min. 15: Mme Andinọ Utuakibuot Akpanikọ Ibetedem ke Eset ye Idahaemi. Utịn̄ikọ ọkọn̄ọde ke Enyọn̄-Ukpeme November 1, 2002, page 26-30.

Min. 20: “N̄wam Esenyịn Ukpepn̄kpọ N̄wed Esop Mbufo.”a Ebiowo oro edide esenyịn Ukpepn̄kpọ N̄wed Esop edise aban̄a. Ke ini enemede ikpehe ekikere 3, sịn se ẹtịn̄de ke n̄wed Ufọkn̄wed Utom, page 70. Toro esop ke mme akpan usụn̄ oro mmọ ẹnọde ndutịm ukpepn̄kpọ emi ibetedem, nyụn̄ dụri ntịn̄enyịn wụt mme ikpehe oro oyomde ẹnam n̄kọri.

Ikwọ 114 ye akam ediberi.

Urua Ọtọn̄ọde November 18

Ikwọ 78

Min. 10: Mme ntọt n̄kann̄kụk. Ntọt ibatokụk. Neme ekebe oro “Ata Nti Ibuotikọ Ndikot!”

Min. 10: Ekebe Mbụme. Utịn̄ikọ oro ebiowo emi odotde ọnọde.

Min. 25: “Mme Ibuot Ufọk—Ẹka Iso ke Eti Ndutịm eke Spirit.” Ke ama akada ikpehe ekikere 1-3 etịn̄ ibio ibio ntọn̄ọikọ, da ikpehe ekikere 4-13 nam nneme otuowo. Nte ini ayakde, kot ikpehe ekikere 7, 8, 11, ye 12. Nam ndụn̄ọde ye owo kiet m̀mê iba emi ẹnyenede nditọ. Nso in̄wam ubon mmọ ndinyene ndutịm eke spirit ofụri ini? Nso ukeme ke emi abuana? Didie ke mmọ ẹbọ ufọn? Beri ye ibio ibio ikọ oro ọkọn̄ọde ke ikpehe ekikere 14.

Ikwọ 31 ye akam ediberi.

Urua Ọtọn̄ọde November 25

Ikwọ 16

Min. 10: Mme ntọt n̄kann̄kụk. N̄wan ye ebe oro ẹnamde utom ọtọkiet ke an̄wautom ẹnam ẹwụt nte ẹkemede ndida mme ekikere oro ẹdude ke page 8 nnọ magazine December 1 ye December 8. Ebe ọnọ Enyọn̄-Ukpeme, ndien n̄wan ọnọ Awake!

Min. 15: “Nam Ẹdiọn̄ọ Akpanikọ Aban̄ade Jesus.”b Sịn se ẹtịn̄de ke n̄wed Ufọkn̄wed Utom, page 278. Sịn udọn̄ nọ kpukpru owo ndida n̄wed ukpepn̄kpọ oro ndi Esoputom urua efen man ẹneme ikpehe oro ọdọhọde, “Ufọkn̄wed Oro Etịmde Nnyịn Idem ọnọ Ata Akpan N̄kpọ.”

Min. 20: “Wụt Ima Ima Udọn̄ ke Idem ‘Nditọ-Akpa.’” Da utịn̄ikọ a-minit ita ọkọn̄ọde ke ikpehe ekikere 1 ye ke Insight, Eboho 1, page 816, aban̄ade nte Jehovah esede nditọakpa, tọn̄ọ. Neme mme ikpehe eken oro ẹsụhọde ke mbụme ye ibọrọ. Wụt nti usụn̄ oro mbon en̄wen ẹkemede ndinọ un̄wam ye nsịnudọn̄. Ke ini enemede ikpehe ekikere 3-4, sịn ibio ibio se ẹtịn̄de ke Awake! eke October 8, 1995, page 8-9.

Ikwọ 142 ye akam ediberi.

Urua Ọtọn̄ọde December 2

Ikwọ 213

Min. 8: Mme ntọt n̄kann̄kụk. Ti mme asuanetop ndinọ ibatutom an̄wautom eke November. Dụn̄ọde ibio ibio se ẹkpetịn̄de ke ini ẹnọde n̄wed Akakan Owo.—Se Utom Obio Ubọn̄ Nnyịn eke December 1995, page 8.

Min. 12: Mme Mfịna Oro Ete m̀mê Eka Emi Ẹbọkde Nditọ Ikpọn̄ Ẹsobode. Ebiowo anam ndụn̄ọde ye ete m̀mê eka kiet m̀mê iba emi ẹbọkde nditọ ikpọn̄ (m̀mê mbon oro nsan̄a ndọ mmọ mîdịghe Mme Ntiense) man okop nte mmọ ẹsede ẹban̄a mme mfịna ẹban̄ade unọ ukpep, ntụnọ, ye ndinọ nditọ mmọ ndausụn̄ eke spirit. Didie ke mmọ ẹkeme ndise mban̄a mme mbiomo ubon nnyụn̄ mbuana ke mme mbono esop ye utom an̄wautom kpukpru ini? Wụt ndusụk ekikere oro ẹnọde ke n̄wed Inemesịt Ubon, page 104-110. Nte ẹwụtde ke page 113-115, siak nti usụn̄ oro mbon en̄wen ẹkemede ndin̄wam.

Min. 25: “Ufọkn̄wed Oro Etịmde Nnyịn Idem ọnọ Ata Akpan N̄kpọ.” Nneme otuowo emi esenyịn ufọkn̄wed esede aban̄a. Demede ọkpọsọn̄ udọn̄ nọ obufa ndutịm ufọkn̄wed oro editọn̄ọde ke January. Dụri ntịn̄enyịn wụt mme ikpehe “Ndutịm Ufọkn̄wed Utom Ukara Abasi eke 2003” ke esịne-esịt Utom Obio Ubọn̄ Nnyịn eke October 2002. Tịn̄ se ẹyomde man ẹsịn enyịn̄ ke ufọkn̄wed oro, nte ẹwụtde ke n̄wed Ufọkn̄wed Utom, page 282, nyụn̄ sịn udọn̄ nọ mbon oro mîsịnke kan̄a ndisịn enyịn̄ edieke mmọ ẹdotde.

Ikwọ 127 ye akam ediberi.

[Mme ikọ idakisọn̄]