Edifiak-ndụn̄ọde Eke Ufọkn̄wed Utom Ukara Abasi
Edifiak-ndụn̄ọde ẹkịbide-kịbi n̄wed, esịnede se ẹkenọde ẹnam ke Ufọkn̄wed Utom Ukara Abasi ke mme urua September 2 esịm December 23, 2002. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.
[Tịm fiọk: Ke ini edifiak-ndụn̄ọde emi, emekeme ndikama Bible kpọt mbọrọ mbụme ekededi. Mme n̄wed ndụn̄ọde oro ẹtienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]
Bọrọ m̀mê mme utịn̄ikọ kiet kiet oro ẹtienede mi ẹdi Akpanikọ m̀mê Nsu:
1. Nditie n̄kere mme utịbe utịbe edu Jehovah edi akpan usio-ukot ke ndisan̄a n̄kpere enye. (Ps. 143:5) [w00-EF 10/15 p. 4 ikp. eki. 6]
2. Edidian eto iba ọtọkiet oro ẹtịn̄de ẹban̄a ke Ezekiel 37:15-24 enyene mbiet n̄kpọ eke eyomfịn sia ke 1919, ẹma ẹdian mme anam-akpanikọ nsụhọ oro ẹyetde aran ọtọkiet ke idak Christ, kpa “edidem kiet” ye “ọbọk-erọn̄ kierakiet.” [Edikot Bible eke urua ke urua; se w88-EF 9/15 p. 25 ikp. eki. 13.]
3. Okposụkedi mme okụt-ndudue nnọ Bible ẹdọhọde ke n̄wed Daniel idịghe akpanikọ, mme n̄kpọ oro ẹdọkde ẹsion̄o ke isọn̄ ke ediwak isua oro ẹkebede ẹbiat utọ ekikere oro ofụri ofụri ẹfep. [w00-EF 5/15 p. 11 ikp. eki. 12]
4. Ke ini se nnyịn ikopde otode ebiet oro etiede nte se ẹkpeberide edem, m̀mê otode owo oro ọdọhọde ke imenyene akamba ifiọk, akpan ntak idụhe nnyịn ndida nte ke enye edi nsu. [w00-EF 12/1 p. 29 ikp. eki. 7-8]
5. Jehovah iwụtke mbọm inọ mbon oro ẹduede enye idiọk idiọk. [w89-EF 3/1 p. 15 ikp. eki. 5-6]
6. Ke ini Abasi ekemekde enye ndinam utom nte prọfet nnọ mbio obio, Amos ekedi ekpemerọn̄ onyụn̄ esinam usụhọde utom edikịbi mme mfri fig. (Amos 7:14, 15) [Edikot Bible eke urua ke urua; se si-E p. 148 ikp. eki. 1.]
7. Obadiah 16 ebem iso etịn̄ aban̄a edisobo idụt Edom ofụri ofụri ke ntak usua oro mmọ ẹkesuade Judah. (Obad. 12) [Edikot Bible eke urua ke urua; se w89-EF 4/15 p. 30 ekebe.]
8. “Edisana usem” oro ẹtịn̄de ẹban̄a ke Zephaniah 3:9 abuana nnennen ifiọk akpanikọ Abasi ye mme uduak esie. [Edikot Bible eke urua ke urua; se w01-EF 2/15 p. 27 ikp. eki. 18.]
9. Ntak emi Jesus okokopde ọkpọsọn̄ mfịghe eke ntụk ke in̄wan̄ Gethsemane edi nte ke enye ekekere nte n̄kpa esie nte idiọk abiatibet editụkde Jehovah ye edisana enyịn̄ Esie. (Matt. 26:38; Luke 22:44) [w00-EF 11/15 p. 23 ikp. eki. 1]
10. Nte ẹtịn̄de ke ntịn̄nnịm ikọ Zechariah 9:6, 7, owo “Philistine” oro akabarede “ebiet ọbọn̄ ke Judah,” ada aban̄a mme erọn̄ en̄wen mfịn oro “asan̄autom emi anamde akpanikọ, onyụn̄ enyenede ọniọn̄” ọnọde ukpep onyụn̄ ọnọde odudu nte ẹyomde. (Matt. 24:45) [Edikot Bible eke urua ke urua; se w95-EF 7/1 p. 23 ikp. eki. 14.]
Bọrọ mme mbụme ẹtienede mi:
11. Didie ke ẹmen utom ukwọrọikọ nnyịn ẹdomo ye utom Ezekiel nte owo ukpeme? (Ezek. 33:1-11) [Edikot Bible eke urua ke urua; se w88-EF 1/1 p. 30 ikp. eki. 13.]
12. Ewe mbiet n̄kpọ ke n̄kukụt Ezekiel aban̄ade nsat ọkpọ ke ẹkekụt ke eyomfịn? (Ezek. 37:5-10) [Edikot Bible eke urua ke urua; se w88-EF 9/15 p. 24 ikp. eki. 12.]
13. Ntak emi Jehovah ekemekde prọfet Zechariah? [w89-EF 6/15 p. 30 ikp. eki. 1]
14. Nso ke obio oro ke n̄kukụt Ezekiel ada aban̄a? (Ezek. 48:15-17) [Edikot Bible eke urua ke urua; se w99-EF 3/1 p. 18 ikp. eki. 22.]
15. Mme adan̄a ewe ke ete m̀mê eka emi ọbọkde nditọ ikpọn̄ enyene ndikpeme? [fy-EF p. 107 ikp. eki. 11]
16. Nso ke nnyịn ikeme ndikpep nto usụn̄ oro Daniel akanamde n̄kpọ aban̄a ewụhọ edidem nte yak owo okûnam eben̄e ndomokiet ọnọ abasi m̀mê owo ekededi ke usen 30 ke mîbọhọke edidem? (Dan. 6:7-10) [Edikot Bible eke urua ke urua; se dp-EF p. 125-126 ikp. eki. 25-28.]
17. Ke nditan̄a ewe etop Jehovah ke nsụhọ ebiet lion ke ufọt mme idụt? (Mic. 5:8) [Edikot Bible eke urua ke urua; se w81-E 7/15 p. 23 ikp. eki. 10.]
18. Ikọ oro ke Habakkuk 3:14, “afo ada eduat mbọn̄ obio in̄wan̄ mmọ ekịm enye ke ibuot,” ọwọrọ nso? [Edikot Bible eke urua ke urua; se w00-EF 2/1 p. 22 ikp. eki. 15; w81-E 8/1 p. 29 ikp. eki. 6-7.]
19. Nso ke ikọ Zephaniah 2:3 oro “m̀mê” ọwọrọ? [Edikot Bible eke urua ke urua; se w01-EF 2/15 p. 19 ikp. eki. 8.]
20. Nte Zechariah 8:6 ọdọhọde, didie ke Jehovah akanam se ikpetiede nte utịben̄kpọ ke enyịn owo tọn̄ọ ke isua 1919? [Edikot Bible eke urua ke urua; se w96-EF 1/1 p. 16 ikp. eki. 18-19.]
Dọn̄ (mme) ikọ m̀mê ubak udịmikọ oro ẹyomde man ẹyọhọ mme utịn̄ikọ kiet kiet oro ẹtienede mi:
21. Nnyịn itịn̄ ikọ inọ Jehovah ebe ke __________________________, emi edide ikọ utuakibuot oro ẹtịn̄de ẹnọ Abasi; n̄ko, akpan usụn̄ oro enye adade etịn̄ ikọ ọnọ nnyịn edi __________________________. (Ps. 65:2; 2 Tim. 3:16) [w00-EF 10/15 p. 5 ikp. eki. 2-3]
22. Ke ini mme andiwet Bible ẹtịn̄de ẹban̄a mme Christian nte ifịn Abasi (NW), mmọ itịn̄ke iban̄a ata usụhọde __________________________ oro ọkọn̄ọde ke edinyenyịk; se emi ọwọrọde edi __________________________ nsụkibuot oro ọkọn̄ọde ke ntotụn̄ọ ima ofụri esịt oro ẹnyenede ẹnọ Abasi ye Eyen esie, Jesus Christ. (Matt. 22:37; 2 Cor. 5:14) [w00-EF 11/15 p. 22 ikp. eki. 1]
23. ‘Ẹkenọ uyo ẹte ẹtọn̄ọ ntak ẹdiọn̄ ẹnyụn̄ ẹbọp Jerusalem’ ke __________________________, emi owụtde ntọn̄ọ urua 69 eke isua, oro ekesịmde utịt ke ini Messiah ọkọbiọn̄ọrede ke __________________________. (Dan. 9:25) [Edikot Bible eke urua ke urua; se dp-EF p. 190 ikp. eki. 20–p. 191 ikp. eki. 22.]
24. Edikpere oro __________________________ Jehovah ekperede ekpenyene ndidemede nnyịn ndisịn idem ke __________________________ ye __________________________. [w89-EF 3/15 p. 31 ikp. eki. 5]
25. Ke ikọ ubiereikpe nnọ __________________________, ibuot obio Assyria, __________________________ owụt ete ke Abasi eyesio usiene ye mme asua oro mînọhọ Enye san̄asan̄a utuakibuot. [w89-EF 5/15 p. 24 ikp. eki. 3]
Mek nnennen ibọrọ ke mme utịn̄ikọ kiet kiet oro ẹtienede mi:
26. Ke (1914; 1919; 1935) Jehovah ama onịm “ọbọk[erọn̄] kiet,” kpa Jesus Christ, ndise mban̄a nsụhọ oro ẹyetde aran. [w88-EF 9/15 p. 24 ikp. eki. 8]
27. Akpan ubak n̄wed (Isaiah; Ezekiel; Daniel) edi mme ntịn̄nnịm ikọ ẹbanade nte mme ukara ererimbot ẹkesan̄ade ye mme edinam ndusụk mme andikara mmọ. [w00-EF 5/15 p. 12 ikp. eki. 13]
28. Nte ekemde ye Daniel 2:34, 35, 45, itiat oro ọtọde mbiet oro anuak ada aban̄a (Armageddon; n̄kpọsọn̄ etop ubiomikpe oro ikọt Abasi ẹtan̄ade; Obio Ubọn̄ Messiah). [Edikot Bible eke urua ke urua; se w97-EF 4/15 p. 17 ikp. eki. 10; si-E p. 142 ikp. eki. 20, 23.]
29. Ndamban̄a idụt emi enyenede n̄kukun̄kpọyọriyọ oro ẹtịn̄de ẹban̄a ke Joel 1:4-6 edi (idụt Israel; mme Christian oro ẹyetde aran; mbonekọn̄ Rome). (Utom 2:1, 14-17) [Edikot Bible eke urua ke urua; se w98-EF 5/1 p. 9 ikp. eki. 9.]
30. Mme Christian oro ẹdade ukem ukem isifan̄ake usọbọ ama akam edi enye (oyosụhọde ubiak owo udọn̄ọ; ituahake ye ibet Abasi; ituahake ye mme ekikere nta usọbọ). [fy-EF p. 124 ikp. eki. 19]
Wet mme itie N̄wed Abasi oro ẹtienede mi ẹkekem ye mme utịn̄ikọ oro ẹwetde mi ke idak:
Hos. 6:6; Joel 2:32; Zech. 4:6, 7; Zech. 13:3; Rome 12:2
31. Inaha nnyịn iyak mme ido obio m̀mê mme idaha ererimbot eke editịm n̄kpọ emi ẹkara ekikere nnyịn. [w00-EF 11/1 p. 21 ikp. eki. 6]
32. Idịghe enyọn̄ enyọn̄ akpakịp uwa enem Abasi esịt, edi edi ima nsọn̄ọnda oro ọkọn̄ọde ke ndidiọn̄ọ enye. [Edikot Bible eke urua ke urua; se si-E p. 145 ikp. eki. 16.]
33. Oyom ẹfiọk, ẹkpono, ẹnyụn̄ ẹberi edem ke Abasi man ẹnyene edinyan̄a. [Edikot Bible eke urua ke urua; se w89-EF 3/15 p. 30 ekebe.]
34. Edisu uduak Abasi itoho ke odudu owo, edi oto spirit esie, emi an̄wamde ikọt esie ndikan ikpọ n̄kpọ ubiọn̄ọ nnyụn̄ n̄ka iso ke utom Abasi. [Edikot Bible eke urua ke urua; se si-E p. 169 ikp. eki. 2.]
35. Nsọn̄ọnda oro ẹdade ẹdiọn̄ọ esop Jehovah akan itie ebuana ekededi, utọ nte n̄kpet n̄kpet itie ebuana oro odude ke ufọt mme iman. [Edikot Bible eke urua ke urua; se si-E p. 171 ikp. eki. 24.]