Mme Ntọt

◼ N̄wed ẹnọde ke December: Akakan Owo Oro Akanam Odude Uwem. Nte se ẹnọde ke ukpụhọ, afo emekeme ndinọ N̄wed Mi eke Mme Mbụk Bible, m̀mê Afo Emekeme Ndidu Uwem ke Nsinsi ke Paradise ke Isọn̄. Edieke esop mînyeneke ekededi ke otu se ẹnọde ke ukpụhọ, mbọk ẹse m̀mê mme esop ekededi oro ẹdude ẹkpere mbufo ẹnyene nyọhọ-nsụhọ emi mbufo ẹkemede ndida nnam n̄kpọ. January: N̄wed ekededi oro ẹkesiode mbemiso 1988 emi esop enyenede ke itie unịm n̄wed. Edieke mbufo mînyeneke ekededi ke otu emi ke itie unịm n̄wed, mbọk ẹse m̀mê mme esop ekededi oro ẹdude ẹkpere mbufo ẹnyene nyọhọ-nsụhọ n̄kani n̄wed emi mbufo ẹkemede ndida nnam n̄kpọ. Ẹyesịn akpan ukeme nditọn̄ọ ukpepn̄kpọ Bible.

◼ Ẹyesọp ẹnọ n̄wedikot Editi eke 2003 ẹsọk esop mbufo.

◼ Kpukpru mme asuanetop oro ẹdụkde Esoputom ke urua January 6 ẹkeme ndibọ kad Advance Medical Directive/Release ye Identity Card nnọ nditọwọn̄.

◼ Ẹnam ukpụhọde ke nte ẹdinịmde Ufọkn̄wed Utom Ukara Abasi ke ini edidi esenyịn circuit. Ọtọn̄ọde ke January 2003, ke ẹkụrede ikwọ ye akam ediberede, ẹdinịm ufọkn̄wed ke n̄kpọ nte minit 25. Ẹyenọ utịn̄ikọ oro ọkọn̄ọde ke ido utịn̄ikọ ke minit ition, ẹnọ utịn̄ikọ item ke minit duop, ye mme akpan n̄kpọ Bible ke minit duop. Owo idinọhọ Ọyọhọ Utịn̄ikọ 2, 3, ye 4. Esoputom oro ẹnịmde ke minit 30 ẹyetiene ufọkn̄wed oro. Ke ẹma ẹkekwọ ikwọ ẹma, esenyịn circuit ọyọnọ utịn̄ikọ ke minit 30, ndien ikwọ ye akam ediberi eyetiene.