Ndutịm Esoputom

Urua Ọtọn̄ọde January 13

Ikwọ 69

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, sịn nsio nsio nnamn̄wụt iba ke nte ẹkpenọde Enyọn̄-Ukpeme eke January 15 ye Awake! eke January 22. Ke idaha kiet kiet, ẹkpenyene ndidian magazine iba emi nnọ, idem okposụkedi ẹditịn̄de n̄kpọ iban̄a kiet kpọt.

Min. 15: Neme “Ndutịm Edibọp Ufọkmbono Obio Ubọn̄ ke Aka Iso.”

Min. 15: “Ndidu Uwem Ekekem ye Uyakidem Nnyịn.”a Ke ama ekeneme ikpehe ekikere 3, nam ibio ibio ndụn̄ọde ye akparawa m̀mê uyen oro ama akana baptism. Mme idomo ewe ke enye osobo tọn̄ọ akana baptism? Nso ikan̄wam enye ndiyọ mme idomo oro uforo uforo? Didie ke enye ọbọ ufọn oto ediyak uwem esie nnọ Jehovah?

Ikwọ 22 ye akam ediberi.

Urua Ọtọn̄ọde January 20

Ikwọ 44

Min. 8: Mme ntọt n̄kann̄kụk. Ntọt ibatokụk.

Min. 15: Nte Afo ke Odụn̄ọde N̄wed Abasi ke Usen ke Usen? Utịn̄ikọ ye nneme otuowo. Sịn udọn̄ nọ kpukpru owo ndida Ẹdụn̄ọde N̄wed Abasi ke Usen ke Usen—2003 nnam n̄kpọ nte ọfọnde. Neme se idude ke mbemiso ikọ, ke page 3-4. Nọ ekikere ke nte mme ubon ẹkemede ndineme itien̄wed eke usen ọtọkiet. Man owụt mme ufọn edineme itien̄wed ke usen kiet kiet, neme itien̄wed iba m̀mê ita oro ẹdinemede ọfiọn̄ efen ye mme utịn̄ikọ oro ẹtienede nte uwụtn̄kpọ. Sịn ibio ibio nnamn̄wụt ke nte ebe ye n̄wan ẹtiede ọtọkiet ẹneme itien̄wed usen mfịn ye mme utịn̄ikọ oro ẹtienede.

Min. 22: “Kpep Mbon En̄wen Edisana Usem.”b Ke ama ekeneme ikpehe ekikere 6, dọhọ asuanetop oro odotde anam owụt nte ẹkpetọn̄ọde ukpepn̄kpọ Bible ke enyịnusụn̄ ke ini ẹnamde mfiakn̄ka, adade kiet ke otu ekikere oro ẹnọde ke esịne-esịt Utom Obio Ubọn̄ Nnyịn eke January 2002, page 4. Dọhọ enye eneme ikpehe ekikere kiet ke ediye uduot ekpri n̄wed Oyom. Dọhọ asuanetop oro eberi nneme oro ke ndibụp mbụme kiet ke ikpehe ekikere oro etienede nnyụn̄ ndiomi ndibọrọ mbụme emi ke mfiakn̄ka. Sịn udọn̄ nọ kpukpru owo ndikere m̀mê mbon oro mmọ ẹkade ẹbịne ẹkeme ndinyịme ndikpep Bible ke usụn̄ emi.

Ikwọ 68 ye akam ediberi.

Urua Ọtọn̄ọde January 27

Ikwọ 92

Min. 15: Mme ntọt n̄kann̄kụk. Ti mme asuanetop ete ẹnọ ibatutom an̄wautom mmọ. Ke adade mme ekikere ẹnọde ke page 8, sịn nnamn̄wụt iba ke nte ẹkpenọde Enyọn̄-Ukpeme eke February 1 ye Awake! eke February 8. Ke nnamn̄wụt kiet kiet, dọhọ asuanetop eberi nneme esie ke ndinọ enyeneufọk tract oro Nte Afo Akpama Ndifiọk N̄kpọ Efen Efen Mban̄a Bible?—kiet ọnọ owo oro mînyịmeke ndibọ magazine, enye eken ọnọ owo oro ọbọde magazine. Tịn̄ ibio ibio nte nnyịn ikemede ndika mbịne owo oro ọkọbọde magazine ke ini ikọnọde tract.—Se Utom Obio Ubọn̄ Nnyịn eke August 2002 p. 4, ikp. eki. 10.

Min. 15: Mme udọn̄ n̄kann̄kụk.

Min. 15: Da n̄wed Ifiọk Tọn̄ọ Ukpepn̄kpọ Bible. Ke February, nnyịn iyom ndisịn akpan ukeme nditọn̄ọ mme ukpepn̄kpọ Bible. Nam ndụn̄ọde ye asuanetop kiet oro ọkọtọn̄ọde ukpepn̄kpọ ke n̄wed Ifiọk ke ndondo emi, dọhọ enye etịn̄ nte enye akanamde emi. Ti kpukpru owo ban̄a “Mme Ekikere Kaban̄a Edinọ N̄wed Ifiọk” oro odude ke page 5 ke esịne-esịt Utom Obio Ubọn̄ Nnyịn eke January 2002, nyụn̄ nam ekikere kiet m̀mê iba wụt.

Ikwọ 148 ye akam ediberi.

Urua Ọtọn̄ọde February 3

Ikwọ 9

Min. 15: Mme ntọt n̄kann̄kụk. Dụn̄ọde Ekebe Mbụme. Sịn udọn̄ nọ mme asuanetop ndida babru Please Follow Up (S-43) nnam n̄kpọ ke ini ẹsobode owo oro esemde usem efen. Ke ofụri ofụri, ẹkpenyene ndida babru emi nnam n̄kpọ idem ọkpọkọm owo oro inyeneke udọn̄ ke etop Obio Ubọn̄.

Min. 12: Kpebe Mbuọtidem Mmọ. Nam ndụn̄ọde ye ebiowo oro osụhọrede idem onyụn̄ ọsọn̄ọde ada anam n̄kpọ Jehovah ke ediwak isua. (Heb. 13:7) Enye akasan̄a didie ọbọ akpanikọ? Mme ubiọn̄ọ ewe ke enye akakan man ọsọn̄ọ odu ke akpanikọ? Ewe mme ndutịm eke spirit m̀mê nsịnudọn̄ ẹken̄wam enye ndinam n̄kọri? Nso ke enye akanam man odot ndinyene ifetutom ke esop? (1 Tim. 3:1) Nso in̄wam enye ndise mban̄a mbiomo esop, utom idịbi udia, ye mbiomo ubon? (1 Tim. 5:8) Didie ke enye ekere aban̄a ifet oro enye enyenede ndin̄wam mbon en̄wen ke esop?

Min. 18: “Utom Oro Oyomde Nsụhọdeidem.”c Ke ini enemede ikpehe ekikere 3, dọhọ otuowo ẹnọ ekikere ke nte ẹkpenamde n̄kpọ ke efakutom ke ini owo odomode ndisak nnyịn nsahi m̀mê ọsọn̄de ido, etiede utọk utọk, m̀mê iyatesịt iyatesịt. Ke ini enemede ikpehe ekikere 4, sịn se idude ke Insight, Eboho 1, page 1160, ikpehe ekikere 3.

Ikwọ 133 ye akam ediberi.

[Mme ikọ idakisọn̄]