Mme Ntọt

◼ Mme n̄wed ẹnọde ke February ye March: Ifiọk Oro Adade Osịm Nsinsi Uwem. Ẹyesịn akpan ukeme nditọn̄ọ ukpepn̄kpọ Bible. April ye May: Nọ Enyọn̄-Ukpeme ye Awake! Ke ini afiakde ebịne mbon oro ẹkewụtde udọn̄, emi esịnede mbon oro ẹkedụkde Editi m̀mê mme edinam ukara Abasi eken edi oro mîbuanake ifịk ifịk ye esop, ekpenyene ndisịn ofụri ukeme nditọn̄ọ ukpepn̄kpọ Bible, akpan akpan edieke edide ndusụk owo ẹma ẹnyenyene n̄wed Ifiọk ye ediye uduot ekpri n̄wed Oyom.

◼ Esenyịn oro etiede ibuot m̀mê owo efen oro enye emekde ekpenyene ndidụn̄ọde ibatokụk esop ke March 1 m̀mê usọp usọp nte ekekeme ke oro ebede. Ke ẹma ẹkenam emi, tọt esop ke ẹma ẹkekot ntọt ibatokụk efen. Tọt etịbe ekededi oro esop ẹketịpde kaban̄a utom ofụri ererimbot ye etịbe kaban̄a n̄kpọ efen ekededi.

◼ Ewetn̄wed ye esenyịn utom ẹkpenyene ndidụn̄ọde utom kpukpru asiakusụn̄ ofụri ini. Edieke owo ekededi enyenede mfịna ndisịm ibat hour oro ẹyomde, mbiowo ẹkpenyene ndinam ndutịm man ẹnọ un̄wam. Ke ẹyomde mme ekikere, ẹdụn̄ọde mme leta N̄ka S-201 eke isua ke isua. Ẹse n̄ko ikpehe ekikere 12-20 ke esịne-esịt Utom Obio Ubọn̄ Nnyịn eke September 1986.

◼ Ibuotikọ akpan utịn̄ikọ an̄wa ini Editi eke 2003 edidi “Ndi Ekem Ini Ubiereikpe Babylon?” Se ntọt enyenede ebuana ye emi ke Utom Obio Ubọn̄ Nnyịn eke September 2002.