Ndutịm Esoputom

Urua Ọtọn̄ọde July 14

Ikwọ 56

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti kpukpru owo ndinọ ibatutom an̄wautom ufọtọfiọn̄ July. Ke adade mme ekikere ẹnọde ke page 8, dọhọ ẹnam ata nnamn̄wụt iba ke nte ẹkpenọde Enyọn̄-Ukpeme July 15 ye Awake! July 22 ke efakutom esop. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet.

Min. 15: Didie ke Utuakibuot Jehovah Ofori Uwem Nnyịn? Nneme otuowo. Utuakibuot akpanikọ edi akpan n̄kpọ ke ndinyene inem inem uwem oro enyenede se ọwọrọde. (1) Enye an̄wam nnyịn ndiyọ mme mfịna ye editịmede esịt eke uwem. (Phil. 4:6, 7) (2) Enye esịn udọn̄ ọnọ nnyịn ndikọri mme edu Abasi. (2 Pet. 1:5-8) (3) Enye an̄wam nnyịn ndida ini ye inyene nnyịn nam n̄kpọ ke usụn̄ oro enen̄erede enyene ufọn. (1 Tim. 6:17-19) (4) Enye ọnọ ata idotenyịn kaban̄a ini iso. (2 Pet. 3:13) (5) Enye anam nnyịn inyene ntotụn̄ọ itie ebuana ye Jehovah. (Jas. 4:8) Wụt nte mme n̄kpọ emi ẹnanade ke otu mbon oro mîfiọkke mînyụn̄ inamke n̄kpọ Jehovah.

Min. 20: “Ndiwụt Esịtekọm Mban̄a Mbọm Abasi.”a Ke ini enemede ikpehe ekikere 3, nọ ekikere ke nte ẹkpetọn̄ọde afan̄ magazine, emi otode Utom Obio Ubọn̄ Nnyịn eke October 1998 page 8. Dọhọ asuanetop kiet m̀mê iba emi ẹdotde ẹtịn̄ usụn̄ oro mmọ ẹkekụtde nte enyenede uforo ke nditọn̄ọ ukpepn̄kpọ Bible. Sịn udọn̄ nọ kpukpru owo ndinam edi utịtmbuba mmọ nditọn̄ọ nnyụn̄ nnịm ukpepn̄kpọ Bible.—om-EF p. 91.

Ikwọ 176 ye akam ediberi.

Urua Ọtọn̄ọde July 21

Ikwọ 184

Min. 10: Mme ntọt n̄kann̄kụk. Ntọt ibatokụk.

Min. 15: “Nte Afo Emekeme Ndinọ Ufọk Fo?” Utịn̄ikọ emi esenyịn ukpepn̄kpọ n̄wed ọnọde. Sịn mme n̄kpọ ẹtode Ekebe Mbụme ke Utom Obio Ubọn̄ Nnyịn eke May 2001 ye April 1990. Siak ibat otu ukpepn̄kpọ n̄wed ke esop ye ibat mme owo oro ẹsidụkde ke ẹbaharede ukem ukem. Dọhọ asuanetop kiet m̀mê iba ẹbụk nte mmọ ye ubon mmọ ẹbọde ufọn ẹto edinịm ukpepn̄kpọ n̄wed ke ufọk mmọ. Owo ekededi oro edimade ndinọ ufọk esie ekpenyene ndisian esenyịn oro etiede ibuot.

Min. 20: Kpebe Mmọ ke Ndikwọrọ Ikọ ye Uko. Nneme otuowo emi otode n̄wed Tuak Ibuot nọ Abasi, page 170-171. Dọhọ otuowo ẹbọrọ mme mbụme oro ẹbụpde ke ikpehe ekikere 7 ẹnyụn̄ ẹsịn mme itie N̄wed Abasi oro ẹsiakde ẹsịn ke ibọrọ mmọ. Sat mme itien̄wed ifan̄ kot. Wụt se nnyịn ikpepde ito mme mbụk emi ye nte mmọ ẹn̄wamde nnyịn ndinyene in̄wan̄-in̄wan̄ ekikere mban̄a utom ukwọrọikọ nnyịn.

Ikwọ 201 ye akam ediberi.

Urua Ọtọn̄ọde July 28

Ikwọ 45

Min. 10: Mme ntọt n̄kann̄kụk. Ti kpukpru owo ndinọ ibatutom an̄wautom utịtọfiọn̄ July. Ke adade mme ekikere ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme August 1 ye Awake! August 8. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Ke kiet ke otu mme nnamn̄wụt iba oro, wụt nte asuanetop ọnọde ikọ ntiense ido nneme.

Min. 15: Neme “Ubọp Ufọkmbono Obio Ubọn̄ Ofụri Ererimbot ke Ndusụk Idụt Europe.” Tịn̄ nte ke etịbe Okụk Ufọkmbono Obio Ubọn̄ ke ẹda ẹbọp mme Ufọkmbono Obio Ubọn̄ ke mme idụt oro mînyeneke okụk ye ke mme idụt eken.

Min. 20: “Unọ Ikọ Ntiense Otu Ada Idatesịt Edi.”b Ke ini enemede ikpehe ekikere 3, sịn se idude ke Ekebe Mbụme ke Utom Obio Ubọn̄ Nnyịn eke September 2001. Nam mbio mbio ndụn̄ọde ye esenyịn Ukpepn̄kpọ N̄wed Esop. Bụp ndutịm an̄wautom oro enye anamde ọnọ otu ukpepn̄kpọ n̄wed esie ye nte otu emi ọbọde ufọn oto edinọ ikọ ntiense ọtọkiet.

Ikwọ 36 ye akam ediberi.

Urua Ọtọn̄ọde August 4

Ikwọ 178

Min. 10: Mme ntọt n̄kann̄kụk. Siak n̄wed oro ẹnọde ọfiọn̄ emi. Wụt mbio mbio nnamn̄wụt kiet m̀mê iba oro ẹkemede ndida nnam n̄kpọ.

Min. 20: “Ndinọ N̄wed ke Efakutom oro Ẹsemde Ediwak Usem.”c Da mme mbụme oro ẹnọde. Ke ini enemede ikpehe ekikere 3, nam mmemmem nnamn̄wụt kiet ke nte ẹnọde n̄wed ke usem esenidụt kiet oro ẹsemde ke efakutom n̄kann̄kụk emi esop oro esemde usem oro mîdụhe.—km-EF 7/02 p. 1 ikp. eki. 4.

Min. 15: N̄kpri Owo ke Ẹtoro Jehovah! Utịn̄ikọ oro esịnede nneme otuowo ye mme ndụn̄ọde. Ke mme mbono esop, esinem nnyịn esịt ndikop nte n̄kpri owo ẹnọde ibọrọ oro ẹma ẹketịm idem mfọn mfọn. Ifịk ye n̄kọri mmọ ke Ufọkn̄wed Utom Ukara Abasi ẹdi n̄kpọ idatesịt. Mmọ ẹwụt ata mbuọtidem nte mmọ ẹnọde eti ikọ ntiense ke an̄wautom. Edu uten̄e Abasi mmọ ada ukpono ọsọk Jehovah. (yb88-E p. 53-54) N̄kọri eke spirit mmọ esịn itiat idakisọn̄ ọnọ mme ifetutom ini iso. Nam ibio ibio ndụn̄ọde ye mme uyen Christian iba m̀mê ita oro ẹsibuanade kpukpru ini ke mme edinam Christian. Nen̄ede toro mme uyen ke esop ke nti ukeme oro mmọ ẹsịnde nditoro Jehovah.

Ikwọ 49 ye akam ediberi.

[Mme ikọ idakisọn̄]