Ndutịm Esoputom

Urua Ọtọn̄ọde August 11

Ikwọ 101

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, dọhọ ẹnam nsio nsio nnamn̄wụt iba ke nte ẹkpenọde Enyọn̄-Ukpeme August 15 ye Awake! August 22. Ke idaha kiet kiet, ẹkpenyene ndidian magazine mbiba nnọ, okposụkedi ẹtịn̄de n̄kpọ ẹban̄a kiet. Ke nnamn̄wụt kiet kiet, wụt isio isio usụn̄ ndibọrọ ikọ utre nneme emi “Nnyeneke ini?”—Se ekpri n̄wed Nte Ẹkpetọn̄ọde, page 11.

Min. 15: “Ẹkpebe Mfọnido Jehovah.”a Dọhọ otuowo ẹbụk mbio mbio ifiọkutom ẹwụtde nte edu mfọnido ẹsiberede usụn̄ ọnọ ikọ ntiense. Toro esop ke ukeme oro ẹsịnde ndin̄wam ekemmọ mme andinịm ke akpanikọ.

Min. 20: “Mme Edidiọn̄ Utom Usiakusụn̄.”b Da mme mbụme oro ẹnọde. Dọhọ asiakusụn̄ kiet m̀mê iba etịn̄ mme edidiọn̄ oro mmọ ẹnyenede ẹto utom usiakusụn̄. Dọhọ ke owo ekededi oro enyenede udọn̄ ke utom usiakusụn̄ ekeme ndibọ ewetn̄wed esop n̄wed eben̄e usiakusụn̄.

Ikwọ 11 ye akam ediberi.

Urua Ọtọn̄ọde August 18

Ikwọ 82

Min. 10: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke ufọtọfiọn̄ August.

Min. 15: “Utom Oro Ọnọde Nduọkodudu.”c Bem iso diomi man owo iba mme ita ẹtịn̄ nte utom ukwọrọikọ Christian ọnọde mmọ nduọkodudu.

Min. 20: “Ẹyak Nnyịn Inam Mme Itie Utuakibuot Nnyịn Ẹdu ke Eti Idaha.”d (Ikpehe ekikere 1-5) Da mme mbụme oro ẹnọde. Ke in enemede ikpehe ekikere 3 ye 4, dụn̄ọde ndutịm oro ẹnamde ke n̄kann̄kụk ẹban̄a edinam Ufọkmbono Obio Ubọn̄ asana. Tịn̄ ban̄a mme n̄kpọ oro oyomde ẹnọ ntịn̄enyịn. Toro esop ke ukeme oro mmọ ẹsịnde ndise mban̄a itie utuakibuot oro odotde.

Ikwọ 114 ye akam ediberi.

Urua Ọtọn̄ọde August 25

Ikwọ 175

Min. 10: Mme ntọt n̄kann̄kụk. Ke adade mme ekikere oro ẹnọde ke page 8, dọhọ ẹnam nsio nsio nnamn̄wụt iba ke nte ẹkpenọde Enyọn̄-Ukpeme September 1 ye Awake! September 8. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Wụt nte ete m̀mê eka ye eyen esie emi edide uyen adade ini ukpep nditịm idem nnọ utom magazine. Mmọ ẹdụn̄ọde mme ekikere kiet kiet ibio ibio, mbemiso ẹnamde ẹwụt.

Min. 15: “Ẹnyene Eti Ibuot nte Utịt Asan̄ade Ekpere.”e Ke enemede ikpehe ekikere 3 ye 4, dọhọ mme asuanetop ẹbụk mme utịtmbuba eke spirit oro mmọ ẹnịmde idahaemi. Sịn se ẹtịn̄de ke page 176 ke n̄wed Tuak Ibuot nọ Abasi.

Min. 20: Ẹnyene Uko Ndikwọrọ Ikọ. (1 Thess. 2:2) Utịn̄ikọ ye nneme otuowo. Nam an̄wan̄a ntak emi ediwak mme owo ẹsikopde ndịk ke ini ẹkade ndikwọrọ eti mbụk nnọ mbon en̄wen. Emi esitịbe n̄ko ye mbon oro ẹkwọrọde ikọ ifịk ifịk ke ediwak isua. Bụk ndusụk ifiọkutom ẹtode Enyọn̄-Ukpeme December 1, 1999, page 25; Enyọn̄-Ukpeme December 15, 1999, page 25; ye Enyọn̄-Ukpeme April 1, 1996, page 31. Dọhọ otuowo ẹtịn̄ ẹban̄a nte mmọ ẹkekemede ndinyene uko ke ndikwọrọ eti mbụk ke ini mmọ ẹkekopde ndịk. Ọkọn̄ọde ke se idude ke Enyọn̄-Ukpeme December 15, 1999, page 23-24, beri ke ndinọ otuowo nsịnudọn̄ ete ẹben̄e Jehovah odudu ndikwọrọ ikọ ye uko.

Ikwọ 125 ye akam ediberi.

Urua Ọtọn̄ọde September 1

Ikwọ 84

Min. 5: Mme ntọt n̄kann̄kụk. Ti mme asuanetop ndinọ ibatutom an̄wautom eke utịtọfiọn̄ August. Siak n̄wed oro ẹnọde ke September.

Min. 10: Mme udọn̄ n̄kann̄kụk.

Min. 12: Nte Emesifiak Aka Nte Ọkọn̄wọn̄ọde? Utịn̄ikọ ye nneme otuowo ọkọn̄ọde ke Enyọn̄-Ukpeme eke September 15, 1999, page 10-11, ke idak ibuotikọ oro, “Mme Usụn̄ En̄wen Ndinịm Mme Un̄wọn̄ọ Nnyịn.” Ke ini isobode ye mme owo oro ẹwụtde udọn̄, nnyịn imesidiomi ndika iso ke nneme ini efen. Nte nnyịn imesinam akpanikọ ndifiak n̄ka nte ikọn̄wọn̄ọde? Dụn̄ọde mme edumbet Bible oro ẹkemede ndinụk nnyịn ndinịm mme un̄wọn̄ọ nnyịn. Dọhọ otuowo ẹbụk mme ifiọkutom oro ẹwụtde mme edidiọn̄ oro mmọ ẹkenyenede ke ndifiak n̄ka ye unana ubiatini.

Min. 18: “Ẹyak Nnyịn Inam Mme Itie Utuakibuot Nnyịn Ẹdu ke Eti Idaha.”f (Ikpehe ekikere 6-12) Da mme mbụme oro ẹnọde. Sọn̄ọ tịn̄ ufọn edinen̄ede nse mban̄a Ufọkmbono Obio Ubọn̄, osiode mme akpan n̄kpọ owụt ke ekebe ke page 5. Tịn̄ ibio ibio ban̄a nte Ufọkmbono Obio Ubọn̄ mbufo etiede, nyụn̄ siak ndutịm ekededi oro ẹnamde ndidiọn̄ mme n̄kpọ.

Ikwọ 41 ye akam ediberi.

[Mme ikọ idakisọn̄]