Se Ẹkpetịn̄de Ẹban̄a Mme Magazine
Enyọn̄-Ukpeme Dec. 15
“Ke ini ntem ke isua, ekese owo ẹsikere ẹban̄a emana Jesus. Nte akanam afo emekere m̀mê nso orụk ubon ke enye ọkọkọri okpon? [Bet ibọrọ. Ekem kot Luke 2:51, 52.] Nsiondi Enyọn̄-Ukpeme emi eneme nti ukpepn̄kpọ oro ikemede ndikpep nto n̄wetnnịm n̄kpọ Bible aban̄ade nte ẹkebọkde Jesus.”
Awake! Dec. 22
“Ọdọn̄ kpukpru nnyịn ndikụt nditọ nnyịn ẹdarade inem uwem oro okụtde unen. Afo ekere ke nditọwọn̄ ẹnen̄ede ẹyom nso man ẹyọ mme mfịghe oro ẹyọhọde mfịn ke ererimbot? [Bet ibọrọ. Ekem kot Mme N̄ke 22:6.] Nsiondi Awake! emi eneme se nditọwọn̄ ẹyomde ye nte mme ete ye eka ẹkemede ndinọ mme n̄kpọ oro ẹyomde mi.”
Enyọn̄-Ukpeme Jan. 1
“Ọdọn̄ ediwak owo ndinyene emem ke isọn̄ emi. Ndi afo emekere ke tutu amama nnyịn iyokụt nte emi osude? [Kot Psalm 46:9. Ekem bet ibọrọ.] Nsiondi Enyọn̄-Ukpeme emi eneme nte ẹdinamde emi ye ntak emi nnyịn ikemede ndinyene mbuọtidem ke un̄wọn̄ọ Abasi kaban̄a ererimbot emi ekọn̄ mîdụhe.”
Awake! Jan. 8
“Ke ofụri ererimbot, ọkpọsọn̄ mfụhọ ye udọn̄ọ mbeibuot ẹfịna ediwak miliọn owo. Andibot nnyịn enen̄ede ekere aban̄a utọ mbon oro. [Kot Psalm 34:18.] Magazine emi eneme nte ẹkemede ndin̄wam mbon oro mfịna emi ẹsịmde. Enye n̄ko owụt un̄wọn̄ọ Bible oro nte ke ibịghike kpukpru udọn̄ọ ẹyebe ẹfep.”