Ndutịm Esoputom

Urua Ọtọn̄ọde February 14

Ikwọ 174

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ February. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke February 15 ye Awake! eke February 22. Nam mbio mbio ndụn̄ọde ke nte ẹkemede ndikpụhọde uwụtn̄kpọ mme nneme emi ẹnọde man ekekem ye mme udọn̄ n̄kann̄kụk.—Se Utom Obio Ubọn̄ Nnyịn eke January 2005, page 8.

Min. 35: “Ini Editi—Ini Ndinam N̄kọri ke Utom Ukwọrọikọ.”a Esenyịn utom edise aban̄a. Ke ini ẹnemede ikpehe ekikere 6, sịn se ẹtịn̄de ke Awake! eke September 8, 2004, page 12-13. Tọt mbon oro ẹsịnde enyịn̄ nte mme asiakusụn̄ unọ un̄wam. Nam ẹdiọn̄ọ mme udiana mbono an̄wautom oro ẹkediomide. Sịn udọn̄ nọ kpukpru owo ndinam n̄kọri ke utom Abasi ke ndusụk usụn̄ ke ini Editi emi.

Ikwọ 14 ye akam ediberi.

Urua Ọtọn̄ọde February 21

Ikwọ 31

Min. 10: Mme ntọt n̄kann̄kụk. Dụn̄ọde mme akpan n̄kpọ ke “Mme N̄kpọ Nditi Mban̄a Usọrọ Editi.”

Min. 20: “Wụt Esịtekọm Ban̄a Ima-Mfọnido Jehovah.”b Tọt ini ye ebiet Editi ọkọrọ ye enyịn̄ etịn̄ikọ ye akpan ntọt efen ekededi. Ke ini enemede ikpehe ekikere 4, sịn ibio ibio nnamn̄wụt emi asuanetop ọnọde owo emi odude ke afan̄ magazine esie ikot ndidi Editi. Ẹkpenyene ndideme n̄wedikot ke mbono esop asuanade, edieke owo mîkedemeke kan̄a.

Min. 15: “Ndinịm Ukpepn̄kpọ Bible Oro Enyenede Uforo—Ikpehe 6”c Sịn nnamn̄wụt a-minit inan̄ emi eyen ukpepn̄kpọ Bible obụpde ntak emi ibat ibat owo ẹsitade uyo ẹnyụn̄ ẹn̄wọn̄de wine ke otu mme owo oro ẹsidụkde Editi. Ada ukpepn̄kpọ otoro enye ke ndibụp mbụme oro, ewet mbụme oro enịm, onyụn̄ ọdọhọ ke mmimọ iyeneme mbụme oro ke ima ikokụre ukpepn̄kpọ eke urua emi. Ke ẹkụrede ukpepn̄kpọ oro, ada ukpepn̄kpọ owụt eyen ukpepn̄kpọ se idude ke idak mbụme oro “Who is to partake of the bread and the wine?” (Anie akpata uyo onyụn̄ ọn̄wọn̄ wine?) ke page 267-268 ke n̄wed Reasoning. Mmọ ẹkot enye ọtọkiet, ndien eyen ukpepn̄kpọ owụt esịtekọm ke in̄wan̄-in̄wan̄ ibọrọ mbụme oro enye okobụpde.

Ikwọ 21 ye akam ediberi.

Urua Ọtọn̄ọde February 28

Ikwọ 42

Min. 15: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke utịt ọfiọn̄ February. Ke adade mme ekikere oro ẹnọde ke page 8 (edieke ẹdotde ye efakutom mbufo), nam wụt nte ẹkpenọde edide Enyọn̄-Ukpeme eke March 1 m̀mê Awake! eke March 8. Ẹkeme ndinam mme nnamn̄wụt en̄wen oro ẹdotde. Ke utịt nnamn̄wụt kiet, asuanetop ọnọ eyenufọk ikot ndidụk Editi, adade edem Awake! eke March 8.

Min. 10: Mme udọn̄ n̄kann̄kụk.

Min. 20: “Nịm Magazine ke An̄wautom.”d Ke ini ẹnemede ikpehe ekikere 3 ye 4, men se ẹnemede yịri ye mme idaha n̄kann̄kụk. Nam ibio ibio ndụn̄ọde ye asuanetop kiet m̀mê iba oro ẹnyenede uforo ke ndinịm magazine ke mme itie mbubehe, ke efak, ke mme itie emi ẹkemede ndikụt ediwak owo, m̀mê ke ini ọnọde ikọ ntiense ido nneme. Dọhọ mmọ ẹtịn̄ nte mmọ ẹsinịmde magazine ke kpukpru emi. Dọhọ ẹnam ibio ibio ẹwụt mîdịghe ẹfiak ẹnam se iketịbede ẹwụt.

Ikwọ 192 ye akam ediberi.

Urua Ọtọn̄ọde March 7

Ikwọ 12

Min. 5: Mme ntọt n̄kann̄kụk.

Min. 40: “Mbono District Edemede Nnyịn Udọn̄ Ndisan̄a ye Abasi.” Ebiowo edise aban̄a. Ke adade minit kiet m̀mê se isụhọrede ikan oro etịn̄ ntọn̄ọikọ, da mme mbụme emi ẹdude ke ibuotikọ nyene nneme ye otuowo ban̄a ndutịm mbono district. Deme ini nọ mbụme kiet kiet man ẹneme mmọ nte ekemde; ẹkeme ndinọ ibọrọ kiet kpọt ke ndusụk mbụme. Owo idikemeke ndikot kpukpru itien̄wed oro ẹsiakde ẹsịn ke ini oro ẹnọde; ẹdọn̄ mmọ man edi mmemmem ndinyene ibọrọ. Ibọrọ ekpenyene ndikọn̄ọ ke mme ufọn oro ẹdude ke ndida mme n̄kpọ ẹkekpepde nsịn ke edinam.

Ikwọ 165 ye akam ediberi.

[Mme ikọ idakisọn̄]