Ndụn̄ọde Ufọkn̄wed Utom Ukara Abasi

Ẹdineneme mme mbụme oro ẹtienede mi ke Ufọkn̄wed Utom Ukara Abasi ke urua ọtọn̄ọde April 25, 2005. Esenyịn ufọkn̄wed edise aban̄a ndụn̄ọde emi ke minit 30, ọkọn̄ọde ke se ẹkenọde ẹnam ke mme urua March 7 esịm April 25, 2005. [Tịm fiọk: Ke mbụme oro owo mîsiakke n̄wed oro ẹdikụtde ibọrọ, afo enyene ndinam ndụn̄ọde ke idemfo nyom mme ibọrọ mbụme emi.—Se Ufọkn̄wed Utom, page 36–37.]

MME IDO UTỊN̄IKỌ

1. Ke ini itịmde utịn̄ikọ, didie ke nnyịn ikeme ndida se ẹnọde nnyịn nnam n̄kpọ ke eti usụn̄, ndien ntak emi edide akpan n̄kpọ? [be-EF p. 234 ikp. eki. 1-3, mme ekebe]

2. Nnyịn ikpodomo nditịn̄ n̄kpọ awak adan̄a didie ke utịn̄ikọ oro ẹnọde nnyịn? [be-EF p. 234 ikp. eki. 4–p. 235 ikp. eki. 1]

3. Didie ke nnyịn ikpada mme mbụme isịn udọn̄ inọ nneme ke an̄wautom? (Utom 8:30) [be-EF p. 236 ikp. eki. 2-5]

4. Didie ke nnyịn ikpada mme mbụme in̄wam nditọ ukpepn̄kpọ Bible nnyịn ndida “ukeme ukere n̄kpọ” mmọ nnam n̄kpọ? (Rome 12:1) [be-EF p. 238 ikp. eki. 1]

5. Nso odudu ke mme mbụme oro ẹbụpde ke N̄wed Mbon Rome 8:31, 32 ye Isaiah 14:27 ẹnyene? [be-EF p. 239 ikp. eki. 1-2]

UTỊN̄IKỌ NỌ. 1

6. Didie ke nnyịn ‘isịn Christ nte itiat ukotufọk’ ke utom edinam mbet? (1 Cor. 3:11) [be-EF p. 278 ikp. eki. 1-2]

7. Sia Jehovah ama akayak ofụri odudu ukara ọnọ Eyen esie ke 1914, nso idi ekikere nnyịn ke ini ibọn̄de akam ite: “Yak Ubọn̄ fo edi”? (Matt. 6:9, 10) [be-EF p. 279 ikp. eki. 4]

8. Ntak emi kpukpru mme Christian ẹkpenyenede udọn̄ ke ndikeme ndikot n̄wed, ndien didie ke Jesus ekenịm uwụtn̄kpọ ke afan̄ emi? [w03-EF 3/15 p. 10 ikp. eki. 5; p. 12 ikp. eki. 2]

9. Didie ke uwụtn̄kpọ Josiah ye Jesus ẹn̄wam mme uyen ndinam n̄kọri eke spirit? [w03-EF 4/1 p. 8 ikp. eki. 3-4; p. 10 ikp. eki. 3]

10. Ntak emi nnyịn ikemede ndibuọt idem ke Abasi? (N̄ke 3:5, 6) [w03-EF 11/1 p. 4 ikp. eki. 6–p. 5 ikp. eki. 1]

EDIKOT BIBLE EKE URUA KE URUA

11. Ntak emi Hannah ọkọbọn̄de akam ọdọhọ Jehovah “ọnọ edidem esie nsọn̄idem” ke ini edidem emi edide owo oro akarade Israel mîkodụhe? (1 Sam. 2:10)

12. Nso ke nnyịn ikeme ndikpep nto edikan oro ẹkekande Israel kpa ye oro ekebe ediomi okodude ke otu mmọ? (1 Sam. 4:3, 4, 10)

13. Ntak emi 1 Chronicles 2:13-15 etịn̄de aban̄a David nte ọyọhọ eyen Jesse itiaba, ke adan̄aemi 1 Samuel 16:10, 11 owụtde ke enye ekedi ọyọhọ eyen itiaita?

14. Ewe “idiọk spirit” okotụhọde Saul? (1 Sam. 16:14)

15. Nte n̄kukụt oro “Samuel” akadade enyene nsan̄a ekpo ke En-dor etịn̄ ama enen? (1 Sam. 28:16-19)