Ndutịm Esoputom

Urua Ọtọn̄ọde April 11

Ikwọ 4

Min. 15: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ndinọ ibatutom an̄wautom eke ufọt ọfiọn̄ April. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke April 15 ye Awake! eke April 22. Ẹkeme ndida mme ekikere en̄wen oro ẹdide ata idem n̄kpọ. Ke kiet ke otu nnamn̄wụt emi, wụt nte asuanetop abuanade ke unọ ikọ ntiense efak.

Min. 15: Mme udọn̄ n̄kann̄kụk.

Min. 15: “Ẹka Iso Ẹkwọrọ Ikọ.”a Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Ikwọ 47 ye akam ediberi.

Urua Ọtọn̄ọde April 18

Ikwọ 76

Min. 10: Mme ntọt n̄kann̄kụk.

Min. 20: “Ndinịm Ukpepn̄kpọ Bible Oro Enyenede Uforo—Ikpehe 8.”b Sịn ibio ibio nnamn̄wụt ke nte asuanetop ọnọde obufa eyen ukpepn̄kpọ Bible ediye uduot ekpri n̄wed oro Mme Ntiense Jehovah—Mmanie ke Mmọ Ẹdi? Nso ke Mmọ Ẹnịm ke Akpanikọ? Asuanetop oro owụt enye ndise oro odude ke page 20 ke ediye uduot ekpri n̄wed oro onyụn̄ etịn̄ ibio ibio aban̄a utịn̄ikọ an̄wa. Enye asiak ibuotikọ utịn̄ikọ an̄wa efen onyụn̄ okot eyen ukpepn̄kpọ editiene abuana.

Min. 15: Ndidu Uwem ke Eti Ibuot ke Eyo Ilektrọnik Emi. (Titus 2:11, 12) Utịn̄ikọ oro ọkọn̄ọde ke Utom Obio Ubọn̄ Nnyịn eke September 2002 page 8, ikpehe ekikere 1-7, ye Utom Obio Ubọn̄ Nnyịn eke November 1999 page 5, ikpehe ekikere 24-26, ye page 6, ikpehe ekikere 35-36. Edieke ini ayakde, sịn mme akpan n̄kpọ en̄wen emi ẹdude ke esịne-esịt Utom Obio Ubọn̄ Nnyịn eke November 1999 edieke emi ekemde ye n̄kann̄kụk mbufo.

Ikwọ 169 ye akam ediberi.

Urua Ọtọn̄ọde April 25

Ikwọ 111

Min. 15: Mme ntọt n̄kann̄kụk. Kot ntọt ibatokụk ye mme leta otode n̄kọk itieutom ndiwụt ke ẹma ẹbọ etịbe oro ẹkenọde ẹka. Ti mme asuanetop ndinọ ibatutom an̄wautom eke utịtọfiọn̄ April. Ke adade mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke May 1 ye Awake! eke May 8. Ẹkeme ndida mme ekikere en̄wen oro ẹdide ata idem n̄kpọ. Ke kiet ke otu nnamn̄wụt emi, wụt nte ẹkpebọrọde ikọ utre nneme emi “Nnyeneke udọn̄.” (Se Nte Ẹkpetọn̄ọde, page 8.) Siak mme ibuotikọ oro ẹdinen̄erede ẹdemede udọn̄ mme owo ke n̄kann̄kụk mbufo.

Min. 30: “Mbono District ‘Ẹkop Uyo Ẹnọ Abasi’ eke Mme Ntiense Jehovah eke 2005.”c Ewetn̄wed esop edise aban̄a. Ke ama ekeneme ikpehe ekikere 2, kot leta eke April 1, 2005 aban̄ade se ẹnọde ẹnam ke mbono. Ke ini enemede ikpehe ekikere 4, neme ekebe oro odude ke page 4. Sịn udọn̄ nọ kpukpru owo ndibabak ntịm idem nnọ mbono mmọ.

Ikwọ 79 ye akam ediberi.

Urua Ọtọn̄ọde May 2

Ikwọ 148

Min. 10: Mme ntọt n̄kann̄kụk.

Min. 15: “Nam Se Ifọnde Nyụn̄ Buana Se Enyenede ye Mbon Efen.”d Wụt nte ẹkpedade se ẹtịn̄de mi ẹsịn ke edinam ke n̄kann̄kụk, asiakde nti usụn̄ oro nnyịn ikemede ndin̄wam mbon efen.

Min. 20: Da Obufa Ediye Uduot Ekpri N̄wed Oro Nam Udọn̄ Mme Owo Ọkọri. Utịn̄ikọ ye nneme otuowo oro esenyịn utom edisede aban̄a. Nnyịn ikpenyene ndifiak n̄ka mbịne mbon oro ẹkebọde Ẹdu ke Ukpeme! n̄kanam udọn̄ mmọ ọkọri. Ke adade mme ibuotikọ emi ẹdude ke page 2, tịn̄ ibio ibio ban̄a se idude ke ediye uduot ekpri n̄wed oro, odụride ntịn̄enyịn owụt mbio mbio ikpehe (oro ẹdude ke idak ibuotikọ oro ẹwetde ke ndodobi ubọkn̄wed). Ẹkeme ndida ikpehe emi n̄ka iso ke ibio ibio nneme oro ẹma ẹkenyenyene. Ke uwụtn̄kpọ, edieke ẹkenemede n̄kpọ ke page 3-4 ke akpa ediwaha, ẹkeme ndineme ikpehe emi “Nte Abasi Enen̄ede Ekere Aban̄a?” ke page 5 ke ini ẹfiakde ẹka. Neme nte ẹkemede ndinam emi. Dụn̄ọde mme ikpehe eken, utọ nte mbon oro ẹdude ke page 6-8 ye 17-18 m̀mê mbon eken oro ẹdotde ye n̄kann̄kụk mbufo. Da kiet ke otu mme ikpehe oro nam mfiakn̄ka kiet wụt. Ẹkpenyene ndikot nnyụn̄ nneme mban̄a itie N̄wed Abasi kiet m̀mê awakde akan oro ke otu mme itien̄wed oro ẹsiakde ẹsịn. Asuanetop ada ekeberi ke ndiwụt eyen ukpepn̄kpọ ikpehe efen oro mmọ ẹdinemede ini efen.

Ikwọ 66 ye akam ediberi.

[Mme ikọ idakisọn̄]