Se Ẹkpetịn̄de Ẹban̄a Mme Magazine

Enyọn̄-Ukpeme May 15

“Ndi emekere ke tutu amama nnyịn iyokụt ererimbot oro ubuene mîdidụhe? [Bet ibọrọ.] Kop se Abasi ọn̄wọn̄ọde mi. [Kot Isaiah 65:21.] Nsiondi Enyọn̄-Ukpeme emi eneme nte un̄wọn̄ọ emi edisude.” Diomi ndifiak n̄kọbọrọ mbụme emi: Ini ewe ke ẹdinam mme ukpụhọde oro ẹn̄wọn̄ọde mi?

Awake! May 22

“Ata ediwak owo ẹfiọk ke edi akpan n̄kpọ ndisịn̄ede idem man ẹkop nsọn̄idem, edi ediwak mmọ ẹnyịme ke mmimọ isisin̄ekede idem ikem. Nte idịghe ntre? [Bet ibọrọ.] Magazine emi ẹneme mme ufọn edisịn̄ede idem kpukpru ini onyụn̄ ọnọ ekikere aban̄a ndusụk usụn̄ oro nnyịn ikemede ndinam ufan̄ nnọ emi kpa ye oro nnyịn mîsinyeneke ini.”

Enyọn̄-Ukpeme June 1

“Okposụkedi ekperede ndidi kpukpru owo ẹtịn̄ ẹban̄a emem, ubonowo ikemeke ndidiana kiet. Ndi afo ekere ke edidianakiet edi ikpîkpu ndap? [Bet ibọrọ.] Magazine emi odụri nnyịn owụt ukara oro ekemede ndidian ererimbot ọtọkiet.” Kot Psalm 72:7, 8, nyụn̄ diomi ndifiak n̄keneme nte emi edidade itie.

Awake! June 8

“Ndi omokụt ke ediwak owo ẹkop editịmede esịt ẹban̄a nte kansa ikpọkidem atarade asuana? [Bet ibọrọ.] Nsiondi Awake! emi etịn̄ ntak emi kansa emi ekemede ndinen̄ede mfịna nnyịn onyụn̄ etịn̄ nte ikemede ndikpeme idem.” Beri ke ndibuana ọnọ-nsịnudọn̄ un̄wọn̄ọ oro ẹkụtde ke Job 33:25.