Ndutịm Esoputom

Urua Ọtọn̄ọde August 8

Ikwọ 125

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Nam nnamn̄wụt kiet m̀mê iba oro ẹdude ke esịne-esịt Utom Obio Ubọn̄ Nnyịn eke June 2005 ke nte ẹkpefiakde ẹka ẹbịne mbon oro ẹkebọde ndiye uduot n̄kpri n̄wed.

Min. 15: Nte Ẹkpesọpde Ẹnọ Kad Ibatutom Asuanetop Esop Ẹka Obufa Esop. Utịn̄ikọ emi ọkọn̄ọde ke n̄wed Ẹtịm Man Ẹnam Uduak Jehovah, page 88. Sịn udọn̄ nọ mme asuanetop ndibabak ntịn̄ nnọ mbiowo obufa esop mmọ ke ndondo oro mmọ ẹkade do mban̄a akani esop mmọ. Mbiowo ẹkpenyene ndikụt nte ke mmimọ imọnọ kad Ibatutom Asuanetop Esop ndondo oro asuanetop ọwọrọde ọkpọn̄ esop oro m̀mê ke ndondo oro obufa esop ẹwetde ẹdọhọ mmọ ẹnọ kad emi edi. Edieke usụn̄ ọniọn̄de, utu ke ndinọ kad Ibatutom Asuanetop Esop ke post ọfis, nnyịn isịn udọn̄ ite ẹnọ trọk umen n̄wed man ẹmen kad oro ẹsọk n̄kọk itieutom oro edinọde enye aka obufa esop.—Se n̄ko Ekebe Mbụme ke Utom Obio Ubọn̄ Nnyịn eke March 1991, page 3.

Min. 20: Wụt ke Imekere Iban̄a Mbon Mmemidem. (Utom 20:35) Ke ama akada se isụhọrede ikan minit kiet etịn̄ ntọn̄ọikọ, neme nneme mbụme ye ibọrọ oro ọkọn̄ọde ke Enyọn̄-Ukpeme eke July 1, 2004, page 17-18, ikpehe ekikere 12-16, nam enye nte ẹsinịmde Ukpepn̄kpọ Enyọn̄-Ukpeme. Dọhọ eyenete oro esikotde n̄wed ọfọn okot mme ikpehe ekikere emi.

Ikwọ 116 ye akam ediberi.

Urua Ọtọn̄ọde August 15

Ikwọ 11

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ August. Da mme ekikere oro ẹdude ke page 4 (edieke odotde ye efakutom mbufo) nam wụt nte ẹkpenọde Enyọn̄-Ukpeme eke August 15 ye Awake! eke August 22.

Min. 15: Ndi Afo Emeti? Nneme otuowo emi ọkọn̄ọde ke Enyọn̄-Ukpeme eke August 15, 2004, page 30. Dọhọ otuowo ẹbọrọ mbụme kiet kiet. Wụt nti ufọn oro ntọt emi enyenede. Sịn udọn̄ nọ kpukpru owo ndikot kpukpru nsiondi Enyọn̄-Ukpeme ye Awake!

Min. 20: “Nditọn̄ọ Ukpepn̄kpọ Bible ke Enyịnusụn̄ ye ke Urụk Ukopikọ.”a Sịn ibio ibio nnamn̄wụt kiet, oro owụtde nte ẹkemede nditọn̄ọ ukpepn̄kpọ Bible ke akpa ini oro ẹsobode ye owo, ẹdade ikpehe ekikere kiet m̀mê iba ke ediye uduot ekpri n̄wed Oyom.

Ikwọ 30 ye akam ediberi.

Urua Ọtọn̄ọde August 22

Ikwọ 161

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe oro ẹkenọde.

Min. 15: Mme udọn̄ n̄kann̄kụk.

Min. 20: “Edikwọrọ Obio Ubọn̄—Ọsọn̄urua Ifetutom.”b Ke ini enemede ikpehe ekikere 4, tịn̄ san̄asan̄a ndutịm emi ẹnamde ẹnọ mbon oro mîkemeke ndinam ekese ke ntak usọn̄ m̀mê unana nsọn̄idem, emi ẹkemede nditọt minit 15, m̀mê 30, m̀mê 45 ke ibatutom mmọ.—Se Utom Obio Ubọn̄ Nnyịn eke October 2002, p. 7, ikp. eki. 6.

Ikwọ 204 ye akam ediberi.

Urua Ọtọn̄ọde August 29

Ikwọ 45

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom mmọ eke utịt ọfiọn̄ August. Da mme ekikere oro ẹdude ke page 4 (edieke odotde ye efakutom mbufo) nam wụt nte ẹkpenọde Enyọn̄-Ukpeme eke September 1 ye Awake! eke September 8. Ke kiet ke otu nnamn̄wụt emi, wụt nte ẹkpefiakde ẹka ẹbịne owo oro esibọde magazine kpukpru ini.

Min. 15: Nte Ẹkemede ndin̄wam Mbon Oro Ẹsemde Usem Efen. Utịn̄ikọ ye nneme otuowo oro ọkọn̄ọde ke mbemiso ikọ emi odude ke n̄wed Good News for People of All Nations. Wụt mme ikpehe emi ẹdude ke obufa ekpri n̄wed emi. Neme n̄kpọ ita oro nnyịn ikemede ndinam man in̄wam mbon oro ẹsemde usem oro nnyịn mîdiọn̄ọke. Tịn̄ se isịnede ke Utom Obio Ubọn̄ Nnyịn eke July 2003, page 8. Tọt ete ke ẹkpenyene ndiwet n̄kpọ nyọhọ babru Please Follow Up (S-43) idem edieke mme owo mîwụtke udọn̄ ke etop Obio Ubọn̄.

Min. 20: Kot Bible ke Akpa Ediwaha. Utịn̄ikọ ye nneme otuowo. Dụn̄ọde mme ekikere oro ẹdude ke Utom Obio Ubọn̄ Nnyịn eke September 2004, page 8, ikpehe ekikere 2, ke nte ẹkpedụride ntịn̄enyịn ẹnọ Ikọ Abasi ke akpa ediwaha. Nam wụt nte ẹkpedade kiet m̀mê iba ke otu ekikere oro ẹnọde, ẹnịm mme n̄wed oro ẹdinọde ke September. Nte ini ayakde, ẹkeme ndineme nnyụn̄ nnam mme ekikere oro ẹdude ke esịne-esịt Utom Obio Ubọn̄ Nnyịn eke January 2005, n̄wụt.

Ikwọ 71 ye akam ediberi.

Urua Ọtọn̄ọde September 5

Ikwọ 98

Min. 10: Mme ntọt n̄kann̄kụk.

Min. 15: “Ndinịm Ukpepn̄kpọ Bible Oro Enyenede Uforo—Ikpehe 12.”c Bem iso nam ndutịm asuanetop kiet m̀mê iba nditịn̄ se ikan̄wamde mmọ ndinam n̄kọri ke nditọn̄ọ nnyụn̄ nnịm mme ukpepn̄kpọ Bible.

Min. 20: Ndinam Ndutịm Ndin̄wam Mbonusọn̄. Utịn̄ikọ oro ebiowo ọnọde emi ọkọn̄ọde ke Enyọn̄-Ukpeme eke August 15, 1993, page 28-29, ke idak ekpri ibuotikọ oro “Ndinam Ndutịm Edi Akpan N̄kpọ.” Siak mme ndutịm oro ẹnamde ke esop ndin̄wam mbon udọn̄ọ ye mbonusọn̄.

Ikwọ 164 ye akam ediberi.

[Mme ikọ idakisọn̄]