Ndutịm Esoputom

Urua Ọtọn̄ọde October 10

Ikwọ 17

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ October. Mme Ntọt ẹsatde-sat ẹto Utom Obio Ubọn̄ Nnyịn. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke October 15 ye Awake! eke October 22. Ke nnamn̄wụt kiet kiet okụrede, sio ndusụk nti ikpehe ke nneme oro wụt. Ke adianade do, dụri ntịn̄enyịn wụt mme ibuotikọ efen emi ẹkemede ndidemede mme owo udọn̄ ke efakutom n̄kann̄kụk.

Min. 15: Nte Afo Emenyene Eti Edu Ukotn̄wed? Nneme otuowo emi ọkọn̄ọde ke ikpehe oro ẹsatde-sat ke n̄wed Ufọkn̄wed Utom, page 21-26. Nso ke ikeme ndisịn ke ndutịm ukotn̄wed nnyịn? (p. 21, ekebe) Ntak edide akpan n̄kpọ nnyịn ndikot mme n̄wed oro ẹnọde-e? (p. 23, ikp. eki. 2) Nso ke oyom man ika iso inyene eti ndutịm ukotn̄wed? (p. 26, ikp. eki. 2-3) Didie ke afo esisio ini enịm ọnọ edikot magazine Enyọn̄-Ukpeme ye Awake!? Nso ufọn ke afo ọbọ oto emi?

Min. 20: “Ka Iso Tịn̄ Ikọ Abasi ye Uko.”a Dọhọ otuowo ẹtịn̄ mme idaha oro ẹkemede ndisọn̄ ndinyene uko oro oyomde ke ndinọ ikọ ntiense. Nso isin̄wam mmọ ndinyene uko?

Ikwọ 78 ye akam ediberi.

Urua Ọtọn̄ọde October 17

Ikwọ 36

Min. 10: Mme ntọt n̄kann̄kụk. Ke adade Utom Obio Ubọn̄ Nnyịn eke November 2004, page 4, dụn̄ọde akpan ntọt kiet m̀mê iba ke nte ikemede ndida itie N̄wed Abasi nnam n̄kpọ mfọn mfọn ke ini inịmde ukpepn̄kpọ Bible.

Min. 15: Fep Mme N̄kpọndịk Oro Ẹdude ke Intanet. Utịn̄ikọ oro ebiowo ọnọde, ọkọn̄ọde ke Awake! eke December 8, 2004, page 18-21.

Min. 20: “Nen̄ede Kere Ban̄a Mbon Efen—Ebe ke Ndifọn Ido.”b Dọhọ otuowo ẹtịn̄ nte nnyịn ikemede ndifọn ido ye mbon en̄wen ke ini ibuanade ke an̄wautom. Ke mme nsiondi Utom Obio Ubọn̄ Nnyịn eke ini iso, ẹyeneme mme ikpehe efen ke nte ikemede ndikere mban̄a mbon oro nnyịn ikwọrọde ikọ inọ.

Ikwọ 2 ye akam ediberi.

Urua Ọtọn̄ọde October 24

Ikwọ 68

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a ẹtịbe ẹkenọde. Ke adade kiet ke otu ekikere oro ẹnọde ke esịne-esịt Utom Obio Ubọn̄ Nnyịn eke January 2005 mîdịghe usụn̄ efen oro odotde ye efakutom mbufo, nam wụt nte ẹkpenọde n̄wed ẹnọde ke November.—Se Utom Obio Ubọn̄ Nnyịn eke January 2005, p. 8, ikp. eki. 5.

Min. 15: Mme udọn̄ n̄kann̄kụk.

Min. 20: Nditiene Mme Idaha Abasi ke Usịnen̄kpọ ye Ukamaidem Nnyịn. Utịn̄ikọ ye nneme otuowo oro ebiowo edisede aban̄a, ọkọn̄ọde ke Enyọn̄-Ukpeme eke August 1, 2002, page 17-19. Dọhọ otuowo ẹtịn̄ nte nnyịn ndikama idem ke usụn̄ oro ọfọnde ekemede ndiberede ifet ndinọ ikọ ntiense.

Ikwọ 153 ye akam ediberi.

Urua Ọtọn̄ọde October 31

Ikwọ 209

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom utịt ọfiọn̄ October. Ke adade mme ekikere ẹnọde ke page 8 (edieke ẹdotde ye efakutom mbufo), nam wụt nte ẹkpenọde Enyọn̄-Ukpeme eke November 1 ye Awake! eke November 8. Ke kiet ke otu nnamn̄wụt oro, sịn itiat idakisọn̄ nọ mfiakn̄ka efen ke ndidụri ntịn̄enyịn n̄ka ekebe oro “Ke Nsiondi Nnyịn Efen.”—Se Utom Obio Ubọn̄ Nnyịn eke October 1998, p. 8, ikp. eki. 7-8.

Min. 15: Da Afan̄ Magazine Nam Udọn̄ Ọkọri. Utịn̄ikọ ye nneme otuowo emi ọkọn̄ọde ke Utom Obio Ubọn̄ Nnyịn eke May 2005, page 8. Didie ke ikeme nditọn̄ọ afan̄ magazine? (ikp. eki. 1) Didie ke nnyịn ikeme nditịm ediwak nneme oro ẹkotde itie N̄wed Abasi kiet? (ikp. eki. 3) Ntak oyomde nnyịn inam se ikande sụk edikokot itie N̄wed Abasi oro ẹkemekde? (ikp. eki. 4) Didie ke afan̄ magazine ekeme ndikabade ndi ukpepn̄kpọ Bible? (ikp. eki. 5) Sịn nnamn̄wụt kiet nte asuanetop adade itie N̄wed Abasi kiet enyene nneme ke afan̄ magazine esie.

Min. 20: Mme Uyen Oro Ẹnamde Ọkpọsọn̄ Ubiere Edi Ẹnyene Ukpono. Utịn̄ikọ emi ebiowo ọnọde ọkọn̄ọde ke Enyọn̄-Ukpeme eke September 15, 2002, page 23-24, ke ekpri ibuotikọ oro “Sịn Ndinam Emi ye Ukpono.” Babak dọhọ uyen kiet m̀mê iba ẹtịn̄ ẹban̄a mme n̄kpọ-ata oro mmọ ẹkesobode ke ufọkn̄wed ye se ikan̄wamde mmọ ndiyọ mme mfịna oro uforo uforo.

Ikwọ 222 ye akam ediberi.

Urua Ọtọn̄ọde November 7

Ikwọ 39

Min. 5: Mme ntọt n̄kann̄kụk.

Min. 20: Fori nte Ọnọde N̄kpan̄utọn̄ ke Mme Mbono Esop. Utịn̄ikọ ye nneme otuowo emi ọkọn̄ọde ke Enyọn̄-Ukpeme eke September 15, 2002, page 12-13, ikp. eki. 11-14. Dụn̄ọde mme ekikere oro ẹnọde, nyụn̄ dọhọ otuowo ẹtịn̄ se in̄wamde mmọ ẹbọ n̄kponn̄kan ufọn ẹto mme mbono esop.

Min. 20: “Nyene Usọ ke Ndikọk Ibuot ye Mbon En̄wen.”c Dọhọ ndusụk asuanetop ẹtịn̄ nte mmọ ẹkekọkde ibuot ye mbon oro ẹnyenede nsio nsio idaha ke uwem ke efakutom n̄kann̄kụk.

Ikwọ 50 ye akam ediberi.

[Mme ikọ idakisọn̄]