Ndutịm Esoputom

Urua Ọtọn̄ọde January 9

Ikwọ 10

Min. 10: Mme ntọt n̄kann̄kụk. Ke adade mme ekikere oro ẹnọde ke page 4, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke January 15 ye Awake! eke January. Ke kiet ke otu nnamn̄wụt emi, wụt nte asuanetop ọkwọrọde ikọ ke efakutom mbubehe.

Min. 15: Ndinam Esịt Jehovah Adat. (Mme N̄ke 27:11) Nam ndụn̄ọde ye asan̄autom Jehovah iba m̀mê ita oro ẹma ẹkenam akpanikọ ke ediwak isua. Dọhọ owo mmọ kiet kiet etịn̄ n̄kpọ kiet m̀mê iba emi akan̄wamde mmọ ndika iso n̄kop uyo Jehovah. Ndusụk n̄kpọ oro ẹkemede ndisiak ẹdi ukpepn̄kpọ idemowo, edidụk mbono esop kpukpru ini, edidụk nsan̄a ye mbon eken oro ẹnamde akpanikọ, edibuana ke an̄wautom ke ofụri ukpọn̄, akam ofụri esịt, ye edifep oburobụt unọ idem inemesịt. Idomo n̄kopuyo ewe ke mmọ ẹkesobo, ndien didie ke mmọ ẹkekan mme idomo oro uforo uforo? Didie ke ẹdiọn̄ mmọ ke ndikop uyo?

Min. 20: “Ererimbot Oro Ubuene Mîdidụhe Ekpere.” Utịn̄ikọ emi ebiowo ọnọde emi ọkọn̄ọde ke Enyọn̄-Ukpeme eke May 15, 2005, page 4-7. Neme nte ibuotikọ oro enyenede n̄kpọ ndinam ye esop ke ini oro ẹnọde.

Ikwọ 15 ye akam ediberi.

Urua Ọtọn̄ọde January 16

Ikwọ 178

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ January. Mme Ntọt ẹsatde-sat ẹto Utom Obio Ubọn̄ Nnyịn. Sịn udọn̄ nọ kpukpru owo ndise vidio Transfusion-Alternative Health Care—Meeting Patient Needs and Rights ke nditịm idem nnọ nneme oro edidade itie ke Esoputom ke urua iba emi ẹdide.

Min. 15: Ẹtịm man Inam Uduak Jehovah. Utịn̄ikọ ye nneme otuowo ọkọn̄ọde ke n̄wed Ẹtịm man Inam Uduak Jehovah, page 4-7. Ke ama akada se isụhọrede ikan minit ita etịn̄ ntọn̄ọikọ oro ọkọn̄ọde ke page 4, neme page 5 esịm ekpri ibuotikọ emi odude ke page 7 ye otuowo. Ẹyekere ẹban̄a mme ikpehe eken ke n̄wed Ẹtịm ke mme Esoputom oro ẹdide.

Min. 20: “N̄kparawa Owo Oro Ẹyamade nte Se Inọde Un̄wana.”a Dọhọ mme uyen ẹtịn̄ nte mmọ ẹsinọde ikọ ntiense ke ufọkn̄wed. Ẹkeme ndinam ndutịm man uyen kiet m̀mê iba ẹtịm se ẹditịn̄de.

Ikwọ 107 ye akam ediberi.

Urua Ọtọn̄ọde January 23

Ikwọ 60

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe oro ẹkenọde. Ke adade mme ekikere oro ẹnọde ke page 4, m̀mê nneme efen oro odotde ye efakutom mbufo, nam wụt nte ẹkpenọde Enyọn̄-Ukpeme eke February 1 ye Awake! eke February. Dọhọ uyen anam kiet ke otu nnamn̄wụt oro.

Min. 15: Mme udọn̄ n̄kann̄kụk.

Min. 20: “Nen̄ede Kere Ban̄a Mbon Efen—Ebe ke Ndibụp Mbụme Nnyụn̄ N̄kpan̄ Utọn̄.”b Ke ini enemede ikpehe ekikere 2, dọhọ otuowo ẹtịn̄ mme mbụme oro mmọ ẹkụtde nte ẹnyenede uforo ndida ntọn̄ọ nneme. Nam wụt nte ẹkemede ndifiọk ekikere owo ebe ke ndibụp mbụme oro esịnede usọ nnyụn̄ n̄kpan̄ utọn̄.

Ikwọ 205 ye akam ediberi.

Urua Ọtọn̄ọde January 30

Ikwọ 197

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ January. Siak mme n̄wed ẹnọde ke February, nyụn̄ dọhọ ẹnam ẹwụt nte ẹkpenọde kiet ke otu mmọ.

Min. 15: Obufa Ndutịm Ẹnamde ke Ufọn Nnyịn. Ebiowo edise aban̄a. Kot nyụn̄ neme leta eke January 3, 2006 oro ẹkenọde ẹsọk kpukpru esop kaban̄a nte ẹkpebọde ufọn ẹto mme Kọmiti Unyene Nneme ye Mbon Ufọkibọk (HLC) ye Otu Uka N̄kese Mbon Udọn̄ọ (PVG).

Min. 20: “Vidio Oro Owụtde Akpan Usụn̄ Ubọ Usọbọ.” Kot Utom 15:28, 29, nyụn̄ sọn̄ọ tịn̄ ibio ibio nte ke akpan ntak emi mme Christian ẹsịnde edikịm iyịp nsịn ke idem edi ndiwụt ukpono nnọ ibet Abasi oro ọdọhọde ke iyịp edi edisana n̄kpọ. Ekem tọn̄ọ nneme ke vidio Patient Needs and Rights nnennen nnennen, obụpde mme mbụme oro ẹnọde ke ibuotikọ emi. Beri ke ndikot akpatre ikpehe ekikere. Mîdịghe, neme “Mme Mbụme Ẹtode Mme Andikot” ke mme nsiondi Enyọn̄-Ukpeme eke June 15, 2004, ye October 15, 2000.

Ikwọ 45 ye akam ediberi.

Urua Ọtọn̄ọde February 6

Ikwọ 74

Min. 10: Mme ntọt n̄kann̄kụk.

Min. 20: “Ẹyom Un̄wam Fo.”c Nam ibio ibio ndụn̄ọde ye ebiowo kiet. Dọhọ enye etịn̄ se ikesịnde udọn̄ inọ enye ndinyanade mbịne ifetutom oro enye enyenede ke esop ye se ikan̄wamde enye ndidot.

Min. 15: Usiakusụn̄ Unọ Un̄wam Ada Mme Edidiọn̄ Edi. (N̄ke 10:22) Dọhọ mbon oro ẹkenamde utom usiakusụn̄ unọ un̄wam isua oko ẹbụk nte mmọ ẹkediomide ndinam emi ye mme idatesịt ye edidiọn̄ oro mmọ ẹkebọde nte utịp. Sịn udọn̄ nọ kpukpru owo ndibọn̄ akam nnyụn̄ nse m̀mê mmimọ imekeme ndinam usiakusụn̄ unọ un̄wam ke March, April, ye May.

Ikwọ 16 ye akam ediberi.

[Mme ikọ idakisọn̄]