Mme Ntọt

◼ N̄wed ẹnọde ke January: Ẹdinọ n̄wed ekededi oro enyenede page 192 oro ẹkemịn̄de ke babru oro etiede utouto oro esop enyenede ke itie unịm n̄wed. Se ẹnọde ke ukpụhọ edi n̄wed Ifiọk. February: Ẹdinọ San̄a Kpere Jehovah. Se ẹnọde ke ukpụhọ edi n̄wed Ifiọk m̀mê akani n̄wed efen oro odude. March: Nọ obufa n̄wed Nso ke Bible Enen̄ede Ekpep? Sịn san̄asan̄a ukeme nditọn̄ọ ukpepn̄kpọ Bible. April ye May: Nọ Enyọn̄-Ukpeme ye Awake! Ke ini ẹfiakde ẹbịne mbon oro ẹkewụtde udọn̄, ẹsịnede mbon oro ẹkedụkde Editi m̀mê mme edinam ukara Abasi eken, edi oro mîbuanake ifịk ifịk ye esop, ẹwụk ntịn̄enyịn ke ndinịm obufa n̄wed Nso ke Bible Enen̄ede Ekpep? Uduak ekpedi nditọn̄ọ ukpepn̄kpọ Bible ke n̄wed oro.

◼ Sia April enyenede utịt urua ition, emi edidi ata eti ọfiọn̄ ndinam usiakusụn̄ unọ un̄wam.

◼ Ọtọn̄ọde ke February, ndien ke mîbịghike ikan March 5, obufa utịn̄ikọ an̄wa mme esenyịn circuit edidi “Afo Emekeme Ndidu Uwem ke Emem Idahaemi ye ke Nsinsi.”

◼ Mme esop ẹkpenyene ndinam mme ndutịm oro ẹdotde ndinịm Editi eke isua emi ke Wednesday, April 12, ke utịn ama okosụhọde. Okposụkedi ẹkemede ndibak ntọn̄ọ utịn̄ikọ, edimen mme n̄kpọ idiọn̄ọ Editi nsan̄a n̄kanade ikpenyeneke nditọn̄ọ ibọhọke ke utịn ama okosụhọde. Ẹnam ndụn̄ọde ke n̄kann̄kụk man ẹfiọk ini emi utịn esisụhọrede ke n̄kan̄ mbufo. Esop kiet kiet ekpenyene ndinịm Editi ke idem mmọ. Nte ededi, mmọ idikemeke ndinam emi kpukpru ini. Ke ebiet emi ediwak esop ẹsisopde idem ke Ufọkmbono Obio Ubọn̄ kiet, esop kiet m̀mê awakde akan oro ekeme ndibọ itie efen ndida nnịm editi ke mbubịteyo oro. Edieke ẹkemede, nnyịn inọ ekikere ite ẹyak minit 40 ke nsụhọde n̄kaha ẹbe mbemiso ẹtọn̄ọde edinam en̄wen man kpukpru owo ẹkeme ndibọ ufọn ọyọhọ ọyọhọ nto edinam oro. Ẹkpenyene ndikere n̄ko mban̄a nte n̄kpọisan̄ ẹwakde ke usụn̄ ye itie ubon ubomisọn̄, esịnede edisụk ye edimen mme owo. Otu mbiowo ẹkpenyene ndibiere mme ndutịm oro ẹdifọnde ikan ke n̄kann̄kụk.

◼ Ini ekededi emi ọkpọkpọ ndutịm uka isan̄ oro anamde esịnede ndidụk mme mbono esop, mbono circuit, m̀mê mbono district ke idụt efen, bụp n̄kọk itieutom oro esede n̄kpọ aban̄a utom ke idụt oro edieke oyomde ndidiọn̄ọ usenọfiọn̄, ini, ye ebiet. Ẹwet mme adres n̄kọk itieutom ke akpatre page ke Yearbook eke ndondo emi.