Mme N̄kpọ Nditi Mban̄a Editi

Editi eke isua emi edidi ke Wednesday, April 12. Mbiowo ẹkpenyene ndinọ ntịn̄enyịn ke mme n̄kpọ ẹtienede mi:

◼ Ke ẹnịmde ini mbono emi, ẹkụt ẹte ke owo idimenke mme n̄kpọ idiọn̄ọ isan̄a ibọhọke ke utịn ama okosụhọde.

◼ Ẹkpenyene ndisian kpukpru owo, esịnede etịn̄ikọ, nnennen ini ye ebiet oro ẹdinịmde Editi emi.

◼ Ẹkpenyene ndidep nnennen uduot uyo ye wine ẹnyụn̄ ẹtịm ẹnịm.—Se Enyọn̄-Ukpeme, February 15, 2003, page 14-15.

◼ Ẹkpenyene ndibabak ntan̄ mme usan, mme akrasi, okpokoro, ye ọfọn̄ okpokoro oro ẹdotde ndi ufọkmbono nnyụn̄ mbon ke itie.

◼ Ẹkpenyene ndibabak nnam Ufọkmbono Obio Ubọn̄ m̀mê ebiet en̄wen oro ẹdisopde idem enen̄ede asana.

◼ Ẹkpenyene ndibabak mmek mme adaidaha ye mbon oro ẹdimende n̄kpọ idiọn̄ọ ẹsan̄a nnyụn̄ nnọ mmọ item mban̄a utom mmọ, nnennen usụn̄ unam n̄kpọ, ye ntak oyomde ẹsịne n̄kpọ ẹnyụn̄ ẹkama idem ke usụn̄ enyenede uku.

◼ Ẹkpenyene ndinam ndutịm man ẹmen n̄kpọ idiọn̄ọ ẹsọk owo ekededi oro ẹyetde aran emi edide owo n̄kpọnnam, emi mîdikemeke ndidụk Editi emi.

◼ Ke ini ẹnamde ndutịm man se ibede esop kiet ẹnịm Editi ke Ufọkmbono Obio Ubọn̄, mme esop oro ẹkpenyene ndinam eti ndutịm mbak mme owo idisuana ntịme ntịme iyọhọ inuaotop m̀mê usụn̄otop, mbenusụn̄, ye itie ubon n̄kpọisan̄.