Ndutịm Esoputom
Urua Ọtọn̄ọde May 8
Ikwọ 2
Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 8, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke May 15 ye Awake! eke May. Ke kiet ke otu nnamn̄wụt oro, dọhọ asuanetop adian nsiondi Enyọn̄-Ukpeme eke May 1 ye May 15 ye Awake! eke May ọnọ owo oro odude ke afan̄ magazine esie oro mîkọbọhọ Enyọn̄-Ukpeme eke May 1. Ke ama ọkọnọ magazine mbita emi, tịn̄ n̄kpọ ban̄a nsiondi kiet kpọt. Mme asuanetop ẹkeme ndika n̄kese mme afan̄ magazine mmọ ini kiet m̀mê ikaba ke ọfiọn̄.
Min. 12: “Nen̄ede Kere Ban̄a Mbon Efen—Ebe ke Ndifọn Ido.”a
Min. 23: “Ẹfep Mme Edinam Ererimbot.”b Ebiowo oro odotde edise aban̄a. Kot kpukpru ikpehe ekikere.
Ikwọ 91 ye akam ediberi.
Urua Ọtọn̄ọde May 15
Ikwọ 9
Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ May. Sịn udọn̄ nọ kpukpru owo ndise vidio Noah—He Walked With God ke nditịm idem nnọ Esoputom eke urua May 29.
Min. 10: Ndidiana Kiet Nnam Utom ke Idak Ndausụn̄ Christ. Utịn̄ikọ emi ọkọn̄ọde ke ekpri ibuotikọ oro “Se Ndifiọk Nnyụn̄ Nnyịme Utom Esie Ọwọrọde,” emi odude ke page 13-15 ke Ẹtịm man Inam Uduak Jehovah.
Min. 25: “Edibọp Ufọkmbono Obio Ubọn̄—Akpan Ikpehe Edisana Utom.”c Nam ndụn̄ọde ye ndusụk owo oro ẹkenamde utom edibọp m̀mê edidiọn̄ mme Ufọkmbono Obio Ubọn̄.
Ikwọ 133 ye akam ediberi.
Urua Ọtọn̄ọde May 22
Ikwọ 86
Min. 12: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde. Ke adade mme ekikere oro ẹnọde ke page 8, m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke June 1 ye Awake! eke June. Ke nnamn̄wụt mbiba oro, wụt nte ubon ẹnamde ndomonse.
Min. 15: ‘Ka Iso Tiene Mi.’d Nam ibio ibio ndụn̄ọde ye asuanetop emi enịmde eti uwụtn̄kpọ, oro odomode ndidu mmemmem uwem ndinyụn̄ nsụhọde udomo n̄kpọ obụkidem oro enye oyomde man ekeme ndinam ekese ke ndinam n̄kpọ Obio Ubọn̄ aka iso nnyụn̄ nnam n̄kpọ nnọ mbon efen. Tịn̄ mme edidiọn̄ oro enye ọbọde ke ndinam ntre.
Min. 18: Eti Ukamaidem. Nneme otuowo emi ọkọn̄ọde ke n̄wed Ufọkn̄wed Utom, page 131-133. Neme edumbet ition oro ẹnyenede n̄kpọ ndinam ye ọfọn̄ ye ukamaidem nnyịn. Dọhọ ke nnyịn imekeme ndida mbufiọk nda se idude ke ibuotikọ emi n̄n̄wam nditọ ukpepn̄kpọ Bible ẹfiọk nte ẹkpesịnede n̄kpọ nte odotde ke ini ẹkade mme mbono esop.
Ikwọ 215 ye akam ediberi.
Urua Ọtọn̄ọde May 29
Ikwọ 42
Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke utịt ọfiọn̄ May.
Min. 10: Nọ n̄wed Andikpep ke June. Ke adade mme ekikere oro ẹnọde ke page 3-4 ke Utom Obio Ubọn̄ Nnyịn eke January 2005 m̀mê mme nneme efen emi ẹdotde ye efakutom mbufo, nam wụt nte ẹkpenọde n̄wed Kpep N̄kpọ to Akwa Andikpep. Nte ini ayakde, dọhọ otuowo ẹtịn̄ nti utịp oro mmọ ẹkenyenede ke ndida n̄wed oro nnam n̄kpọ ke an̄wautom m̀mê ke ubon mmọ.
Min. 25: “Uwụtn̄kpọ Oro Ẹnọde Kpukpru Owo.” Ke ama akada se isụhọrede ikan minit kiet etịn̄ ntọn̄ọikọ, tọn̄ọ nneme ke mme mbụme oro ẹnọde ke vidio Noah nnennen nnennen, obụpde kpukpru mbụme emi ẹdude ke ibuotikọ oro. Mîdịghe, neme “Nte Afo Emese Mbon Afai nte Abasi Esede?” ke Enyọn̄-Ukpeme eke April 15, 2000, page 26-29.
Ikwọ 9 ye akam ediberi.
Urua Ọtọn̄ọde June 5
Ikwọ 176
Min. 5: Mme ntọt n̄kann̄kụk.
Min. 15: Nte Ẹkemede Ndikụt Unen ke Ndinam Mme Mfiakn̄ka. Nneme otuowo oro ọkọn̄ọde ke ekebe oro odude ke page 16 ke Enyọn̄-Ukpeme eke November 15, 2003. Neme mme ekikere itiaba emi kiet kiet, nyụn̄ dọhọ otuowo ẹtịn̄ nte ẹkemede ndida mme ekikere emi nnam n̄kpọ ke efakutom mmọ. Sịn udọn̄ nọ mme asuanetop ndinam mme mfiakn̄ka ye uduak editọn̄ọ ukpepn̄kpọ Bible ye mbon oro ẹkebọde n̄wed m̀mê mbon oro ẹwụtde udọn̄. Ke adade mme ekikere oro ẹnọde ke page 6 ke Utom Obio Ubọn̄ Nnyịn eke March 2006, wụt nte ẹkpetọn̄ọde ukpepn̄kpọ Bible ke ini ẹnamde mfiakn̄ka.
Min. 25: “Ẹfep Mme Edinam Ererimbot ke Ini Ubụkowo.”e Ebiowo oro etịmde odot edise aban̄a. Kot kpukpru ikpehe ekikere.
Ikwọ 57 ye akam ediberi.
[Mme ikọ idakisọn̄]
a Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ.
b Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ.
c Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ.
d Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ.
e Da se isụhọrede ikan minit kiet tịn̄ ntọn̄ọikọ ekem neme ke mbụme ye ibọrọ.