Ndutịm Esoputom

Urua Ọtọn̄ọde January 14

Ikwọ 41

Min 10: Mme ntọt n̄kann̄kụk. Ti mme asuanetop ẹnọ ibatutom an̄wautom eke ufọt ọfiọn̄ January. Mme Ntọt oro ẹsatde-sat ẹto Utom Obio Ubọn̄ Nnyịn. Da mme ekikere oro ẹnọde ke page 8 m̀mê mme usụn̄ efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke January 1 ye Awake! eke January.

Min 15: “Da Ini Oro Odude ke An̄wautom Nam N̄kpọ nte Ọfọnde.”a Nam ndụn̄ọde ye eyenete oro enịmde eti uwụtn̄kpọ ke nte enye esidade usụn̄ ke an̄wautom. Didie ke enye esiben̄e idem man ada mme owo ke esop ọwọrọ an̄wautom onyụn̄ ada ini oro ẹdude ke an̄wautom anam n̄kpọ nte ọfọnde?

Min 20: “Ẹyak Ikọ Mbufo Enyene Inem Kpukpru Ini, nte N̄kpọ Eke Ẹsịnde Inụn̄.”b Ke ini enemede ikpehe ekikere 2, kot John 4:7-15, 39.

Ikwọ 85

Urua Ọtọn̄ọde January 21

Ikwọ 215

Min 10: Mme ntọt n̄kann̄kụk. Siak mme n̄wed oro ẹnọde ke February, nyụn̄ dọhọ ẹnam ẹwụt nte ẹkpenọde kiet ke otu n̄wed emi. Sịn udọn̄ nọ kpukpru owo ẹse vidio oro Transfusion-Alternative Health Care—Meeting Patient Needs and Rights man ẹtịm idem ẹnọ se ẹdinemede ke Esoputom eke urua February 4.

Min 10: Mme udọn̄ n̄kann̄kụk.

Min 25: “Nọ Ọyọhọ Ikọ Ntiense Ban̄a Eti Mbụk.”c (Ikpehe ekikere 1-10) Esenyịn utom edise aban̄a. Nam ndụn̄ọde ye asuanetop kiet m̀mê iba emi ẹkenamde utom usiakusụn̄ unọ un̄wam isua oko kpa ye oro mmọ ẹkenyenede ediwak n̄kpọ ndinam m̀mê emi ẹdide mbon n̄kpọnnam. Nso ikanam mmọ ẹkeme ndinam utom usiakusụn̄? Nso idatesịt ke mmọ ẹkenyene? Ke ini enemede ikpehe ekikere 7, tịn̄ ndutịm an̄wautom oro ẹnamde ẹnọ March, April, ye May.

Ikwọ 177

Urua Ọtọn̄ọde January 28

Ikwọ 52

Min 10: Mme ntọt n̄kann̄kụk. Ti mme asuanetop ẹnọ ibatutom an̄wautom eke utịt ọfiọn̄ January. Kot ntọt ibatokụk ye ikọ ekọm kaban̄a etịbe oro ẹkenọde. Nneme otuowo oro ọkọn̄ọde ke Enyọn̄-Ukpeme eke February 1 ye Awake! eke February. Ke ama eketịn̄ ibio ibio aban̄a se idude ke nsiondi kiet kiet, bụp otuowo m̀mê mme ibuotikọ ewe ẹkeme ndidemede mme owo udọn̄ ke efakutom, ye ntak emi mmọ ẹdọhọde ntre. Dọhọ otuowo ẹtịn̄ se mmọ ẹdidade ke mme ibuotikọ oro mmọ ẹmekde ẹnyene ẹneme ye mme owo. Mbụme ewe ke ẹkeme ndida ntọn̄ọ nneme? Ewe itie N̄wed Abasi ke ibuotikọ oro ke ẹkeme ndikot? Didie ke ẹkeme ndibuan itie N̄wed Abasi emi ye ibuotikọ oro? Da mme uwụtn̄kpọ oro ẹnọde ke Utom Obio Ubọn̄ Nnyịn nam wụt nte ẹkpenọde magazine kiet kiet.

Min 20: “Nọ Ọyọhọ Ikọ Ntiense Ban̄a Eti Mbụk.”d (Ikpehe ekikere 11-17) Ke ini enemede ikpehe ekikere 14, deme san̄asan̄a n̄wedikot Editi nọ otuowo nyụn̄ tịn̄ ndutịm oro ẹnamde ke esop mbufo man ẹsuan n̄wedikot oro ẹnọ kpukpru owo ke efakutom mbufo.

Min 15: “N̄wam Nditọ Ukpepn̄kpọ Bible Fo Ẹkabade Ẹdi Mme Atan̄a Eti Mbụk.”e Edieke ini odude, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Ikwọ 22

Urua Ọtọn̄ọde February 4

Ikwọ 161

Min 10: Mme ntọt n̄kann̄kụk. Dụn̄ọde Ekebe Mbụme.

Min 10: Nte emesineme Ẹdụn̄ọde N̄wed Abasi ke Usen ke Usen? Utịn̄ikọ ye nneme otuowo oro ọkọn̄ọde ke mbemiso ikọ ke Ẹdụn̄ọde N̄wed Abasi ke Usen ke Usen—2008. Tịn̄ ban̄a ufọn edidụn̄ọde itie N̄wed Abasi ke usen ke usen nnyụn̄ n̄kot nte ẹtatde itien̄wed oro. Dọhọ otuowo ẹtịn̄ ndutịm oro mmọ ẹnamde man ẹsikot itien̄wed eke usen ke usen ye ufọn oro mmọ ẹbọde. Emekeme ndidọhọ owo kiet m̀mê iba ẹbabak ẹtịm idem ẹban̄a emi. Tịn̄ ibio ibio ban̄a ibuotikọ isua 2008.

Min 25: “Nte Unamke Okwo Kan̄a?” Ebiowo edise aban̄a. Tọn̄ọ nneme nnennen nnennen ke vidio Patient Needs and Rights ye otuowo, ke ndibụp mme mbụme oro ẹnọde ke ibuotikọ emi. Beri ke ndikot akpatre ikpehe ekikere nyụn̄ sịn udọn̄ nọ kpukpru owo ẹtịm ẹdụn̄ọde mme ibuotikọ Enyọn̄-Ukpeme ye Utom Obio Ubọn̄ Nnyịn oro ẹsiakde ke ibuotikọ emi. Tịn̄ nte owo ekededi oro mîwetke n̄kpọ kan̄a iyọhọ kad DPA esie ekemede ndida babru mbụme oro odude ke esịne-esịt Utom Obio Ubọn̄ Nnyịn eke December 2006 nnam ọkpọkpọ ubiere mban̄a n̄kpri n̄kpatan̄a n̄kpọ oro ẹdade ẹto iyịp ye mme usụn̄ usọbọidem, nnyụn̄ n̄wet ubiere oro nsịn ke kad DPA esie. Mbon oro ẹma ẹkewewet n̄kpọ ẹyọhọ kad DPA mmọ ẹkeme ndikpụhọde se mmọ ẹkewetde, ndien edieke ẹyomde ndinam emi, mmọ ẹkpenyene ndibọ obufa kad n̄wet n̄kpọ nyọhọ. Mîdịghe, neme “Mme Mbụme Ẹtode Mme Andikot” ke nsiondi Enyọn̄-Ukpeme eke June 15, 2004.

Ikwọ 4

[Mme ikọ Idakisọn̄]