Mme Ntọt
◼ Mme n̄wed ẹnọde ke March: Nọ n̄wed Nso ke Bible Enen̄ede Ekpep? Nen̄ede sịn ukeme nditọn̄ọ ukpepn̄kpọ Bible. April ye May: Enyọn̄-Ukpeme ye Awake! Ẹyenen̄ede ẹsịn ukeme ndika mbịne mbufa mbon oro ẹnyenede udọn̄, emi ẹkedụkde Editi ye akpan utịn̄ikọ an̄wa, edi oro mîsidụkke mbono esop kpukpru ini. Uduak edifiak n̄kese mmọ ekpedi man ẹketọn̄ọ ukpepn̄kpọ Bible ye mbon oro owo mîkpepke mmọ Bible kan̄a. June: Tuak Ibuot nọ Ata Abasi Kierakiet.
◼ Mme esop ẹkpenyene ndideme mbufa nsiondi Enyọn̄-Ukpeme ye Awake! ke ndondo oro ẹbọde mmọ. Emi ayanam mme asuanetop ẹmehe ye se isịnede ke esịt mbemiso ẹnọde mme magazine emi ke an̄wautom.
◼ Owo emi esenyịn oro etiede ibuot emekde ekpenyene ndidụn̄ọde ibatokụk esop eke ọfiọn̄ December, January, ye February. Owo ikpenyeneke ndida owo kiet kpukpru ini ndụn̄ọde ibatokụk. Ke ẹma ẹkenam emi, ẹkpenyene nditọt esop ke ẹma ẹkekot ntọt ibatokụk efen.—Se Instructions for Congregation Accounting (S-27).
◼ Ibuotikọ mbono district isua 2008 edi “Ndausụn̄ Spirit Abasi.” Nsiondi Utom Obio Ubọn̄ Nnyịn eke April eyesịne ntọt emi edin̄wamde fi anam ndutịm man odụk kpukpru ikpehe mbono district usen ita emi. Edieke ediyomde eben̄e ini nduọkodudu ke itieutom man ekpekeme ndidụk usen mbita, kûmen̄e ndinam oro.
◼ Ibuotikọ akpan utịn̄ikọ an̄wa ini Editi eke isua 2008 edidi “Anie Odot Ndikara Ubonowo?” Se ntọt enyenede n̄kpọ ndinam ye emi ke Utom Obio Ubọn̄ Nnyịn eke September 2007.
◼ Ke ndondo oro Editi ebede, ẹnyene ndida kad Memorial Report (S-7) n̄wet ofụri ibat mbon oro ẹkedụkde ye mbon oro ẹketade uyo ẹnyụn̄ ẹn̄wọn̄de wine, nnọ ẹsọk n̄kọk itieutom, mîdịghe ẹkeme ndinọ ke leta. Ke ini ediwak esop ẹsopde idem ọtọkiet, esop kiet kpọt enyene ndiwet ibat mme andikodụk ye enyịn̄ kpukpru esop emi ẹkedụkde.
◼ Ẹti kpukpru esop ẹte ẹnam n̄kọk itieutom ọfiọk ini mbono esop mmọ ọtọn̄ọde ke January 1, 2008. Edieke owo mîkanamke emi kan̄a, ewetn̄wed esop ekpenyene ndisọsọp nda babru Congregation Meeting Information (S-5) nnam emi. Ẹnọ idem babru emi iba ẹsọk esop kiet kiet man ẹkpeda ẹnam emi.