Ndutịm Esoputom

Urua Ọtọn̄ọde May 12

Ikwọ 134

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke ufọt ọfiọn̄ May. Mme Ntọt oro ẹsatde-sat ẹto Utom Obio Ubọn̄ Nnyịn. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke May 1 ye Awake! eke May.

Min. 15: Nnyịn Imekeme Ndiyọ Idomo Ekededi! Utịn̄ikọ oro ọkọn̄ọde ke Enyọn̄-Ukpeme eke June 15, 2005, page 30-31. Dọhọ ndusụk mme asuanetop ẹtịn̄ nte Jehovah akan̄wamde mmọ ẹyọ idomo.

Min. 20: Nte Afo Emekeme Ndinam Usiakusụn̄ Unọ Un̄wam ke Ini Nduọkodudu? Nneme otuowo. Dụn̄ọde page 112-113 ke n̄wed Etịm, owụtde mme n̄kpọ oro ẹyomde. Dọhọ mme anamutom emi ẹkedade ini nduọkodudu mmọ ẹnam usiakusụn̄ unọ un̄wam ẹtịn̄ mme edidiọn̄ oro mmọ ẹkenyenede. Dọhọ nditọ ufọkn̄wed oro ẹkedade ini nduọkodudu mmọ ẹnam usiakusụn̄ unọ un̄wam ẹtịn̄ nte mbon en̄wen ẹkesịnde udọn̄ ẹnọ ẹnyụn̄ ẹn̄wam mmọ. Didie ke usiakusụn̄ unọ un̄wam akan̄wam mmọ ẹnam n̄kọri ke n̄kan̄ eke spirit? Mme edidiọn̄ ewe ke mmọ ẹkenyene? Sịn udọn̄ nọ kpukpru mbon oro ẹdotde ndikere mban̄a edinam utom usiakusụn̄ ke July, August, ye September, akpan akpan sia ediwak nditọ ufọkn̄wed ẹdidude ke ini nduọkodudu ke mme ọfiọn̄ emi.

Ikwọ 187

Urua Ọtọn̄ọde May 19

Ikwọ 47

Min. 10: Mme ntọt n̄kann̄kụk. Dụn̄ọde Ekebe Mbụme.

Min. 15: “Ndibọ Ufọn Nto Kpep N̄kpọ to Akwa Andikpep.”a Nneme Otuowo. Sịn nnamn̄wụt emi ete m̀mê eka adade minit 7 ekpep eyen esie n̄kpọ, ọtọn̄ọde ke page 120, ikpehe ekikere 4 esịm page 121, ikpehe ekikere 3 ke n̄wed oro. Bụp mme mbụme emi ẹsịnde ke Utom Obio Ubọn̄ Nnyịn emi.

Min. 20: “Afo Emekeme Ndinyene Inyene!”b Tịn̄ se ẹyomde ẹto mbon oro ẹyomde ndidi mme asiakusụn̄ ofụri ini, nte ẹkụtde ke page 113-114 ke n̄wed Etịm. Mbon oro ẹyomde nditọn̄ọ utom usiakusụn̄ ke September 1 ekpenyene ndiyak n̄wed eben̄e mmọ nnọ usọp usọp nte ẹkekeme.

Ikwọ 206

Urua Ọtọn̄ọde May 26

Ikwọ 103

Min. 10: Mme ntọt n̄kann̄kụk. Kot ntọt ibatokụk ye ikọ ekọm kaban̄a etịbe ẹkenọde. Ti mme asuanetop ndinọ ibatutom an̄wautom eke utịt ọfiọn̄ May. Ke adade mme ekikere oro ẹnọde ke page 4 m̀mê mme nneme efen oro ẹdotde ye efakutom mbufo, nam wụt nte ẹkpenọde Enyọn̄-Ukpeme eke June 1 ye Awake! eke June.

Min. 15: “Ẹmen Ọkpọnọ Mi Ẹkọn̄ọ ke Itọn̄ Mbufo.”c Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Min. 20: Nọ n̄wed Tuak Ibuot nọ Abasi ke June. Utịn̄ikọ ye mme nnamn̄wụt. Dụn̄ọde mme usụn̄ unyene nneme oro ẹnọde ke esịne-esịt Utom Obio Ubọn̄ Nnyịn eke June 2005, page 5 ye 6. Neme nte ẹkpedade ndise paradise oro odude ke n̄wed oro ẹtọn̄ọ nneme. Sịn nnamn̄wụt emi enyenede ikpehe iba. Wụt nte ẹkemede ndinọ n̄wed oro, ekem wụt nte ẹnamde mfiakn̄ka ye uduak editọn̄ọ ukpepn̄kpọ Bible ke n̄wed Bible Ekpep.

Ikwọ 169

Urua Ọtọn̄ọde June 2

Ikwọ 221

Min. 10: Mme ntọt n̄kann̄kụk.

Min. 20: Mbon Akpanikọ Ẹkụt Ediwak Ufọn. (N̄ke 28:20) Utịn̄ikọ emi ewetn̄wed ọnọde ye nneme otuowo. Tịn̄ nte Jehovah ọkọdiọn̄de ukeme oro esop ekesịnde ke ndinam ekese ke March, April, ye May, nyụn̄ toro esop ke se mmọ ẹkenamde. Siak ibat mbon oro ẹkenamde usiakusụn̄ unọ un̄wam, ibat mbufa ukpepn̄kpọ Bible oro ẹketọn̄ọde, ye nti n̄kpọ eken oro ẹkenamde ke an̄wautom. Dọhọ otuowo ẹbụk ifiọkutom oro mmọ ẹkenyenede ke ini Editi ye ke ini ubịnikọt oro ẹkesuande n̄wedikot Editi. Ẹkeme ndifiak nnam mme ata inem inem ifiọkutom n̄wụt. Nam ibio ibio ndụn̄ọde ye mme asuanetop iba m̀mê ita ban̄a edidiọn̄ oro mmọ ẹkenyenede ke ini mmọ ẹkenamde usiakusụn̄ unọ un̄wam.

Min. 15: “Ẹben̄e Idem Ndinam Kpukpru Nti Utom.”d Dọhọ otuowo ẹtịn̄ nte mmọ ẹsitịmde idem ẹnọ ukwọrọikọ eke ufọk ke ufọk ye ini oro mmọ ẹsinamde emi.

Ikwọ 44

[Mme ikọ Idakisọn̄]