Leta N̄kọk Itieutom

Ndima Mme Asuanetop Obio Ubọn̄:

Ntọt emi ẹkenọde ubon Bethel United States ke usenubọk Monday, February 4, 2008, ke ini mmọ ẹkenemede itie N̄wed Abasi eke usen oro, ama anam ẹmia ubọk etieti. Ntọt oro ekedi: “Mme esenyịn oro ẹtiede ibuot ẹmeto nsio nsio esop ke United States ẹdisịm. Mmọ ẹdu idahaemi ke Patterson man ẹdụk akpa otu Ufọkn̄wed Mbiowo Esop.”

Nditọ ufọkn̄wed emi ẹma ẹkop inem edidu ye ubon Bethel. Mmọ ẹma ẹsitiene ubon Bethel ẹkpan̄ utọn̄ nte ẹnemede itie N̄wed Abasi eke usen ke usen ke usenubọk, ẹnyụn̄ ẹdụk Ukpepn̄kpọ Enyọn̄-Ukpeme ubon Bethel ke mbubịteyo Monday. Akpatre usen ke ufọkn̄wed oro ekedi ata ini nduaidem, ke ntak akpan utịn̄ikọ emi owo Kọmiti N̄kọk Itieutom ye owo Otu Ukara ẹkenọde.

Mbiowo oro ẹkedụkde ufọkn̄wed emi ẹmenọ ediwak leta ndiwụt esịtekọm mmọ. Eyenete kiet ọkọdọhọ ete: “Ẹma ẹnen̄ede ẹsịn udọn̄ ẹnọ mi ke urua kiet oro n̄kodude ke Bethel!” Ebiowo en̄wen ama ewet ete: “Ẹsọn̄ọ mi idem ndibiom mbiomo mi ye ifịk idahaemi.” Ndutịm ukpepn̄kpọ idahaemi esịne nsio nsio ikpehe utom mme esenyịn oro ẹtiede ibuot, oyonyụn̄ an̄wam mmọ nditịm nse mban̄a mbubehe esop nte ọfọnde.—Utom 20:28.

Okposụkedi owo mîtọn̄ọke kan̄a ufọkn̄wed emi mi ke Nigeria, ẹyetọt mbufo ke ini ẹkụrede ndutịm nditọn̄ọ enye. Nnyịn imenem esịt iban̄a ima ima ndutịm emi inyụn̄ itie ibet ini oro ufọkn̄wed emi editọn̄ọde mi ke Nigeria.

Nditọete mbufo,

N̄kọk Itieutom Nigeria