Se Ẹkenamde ke An̄wautom

Ọtọn̄ọde ke July esịm November 2010, mme asuanetop 922 ke esop 88 ke Nigeria ẹma ẹtiene ẹbuana ke utom ukwọrọikọ ke efakutom oro owo mîbahakede inọ owo ye ke efakutom oro owo mîsinamke utom kpukpru ini. Mmọ ẹma ẹtọn̄ọ ukpepn̄kpọ Bible 3,352 ke mme efakutom oro mmọ ẹkekwọrọde ikọ. Ete kiet emi ọkọbọde n̄wed Bible Ekpep ọkọtọn̄ọ ukpepn̄kpọ ke ibuot 7 koro eyeneka ete esie ye ete esie ẹma ẹkpan̄a ke August 2010. Enye ama eyịre mme asuanetop oro ete ẹkpep ibuot oro ẹkụre ye imọ mbemiso mmọ ẹnyọn̄ọde, koro se enye ekekpepde ama enen̄ede ọdọn̄ enye esịt onyụn̄ ọnọ enye ata idotenyịn. Ifet afiak eberede ọnọ nnyịn ndisịm utọ mbon oro nnyụn̄ ndọn̄ mmọ esịt nte idinamde utom isua emi ke mme efakutom oro owo mîbahakede inọ owo ye ke efakutom oro owo mîsinamke utom kpukpru ini. Ndi emekeme nditiene mbuana ke ata akpan utom emi?