Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke August

“Mme owo ẹsika nsio nsio ido ukpono ẹnyụn̄ ẹtuak ibuot ẹnọ Abasi ke ediwak nsio nsio usụn̄. Afo ekere ke Abasi esise emi didie? [Bet ibọrọ.] Fiọk se Jesus ekekpepde aban̄a n̄kpọ emi mi.” Yak nsiondi Enyọn̄-Ukpeme eke August 1 nọ enyeneufọk, nyụn̄ neme se idude ke idak akpa ekpri ibuotikọ ke page 16 ye enye. Neme ye enye n̄ko, ke nsụhọde n̄kaha, kiet ke otu mme itie N̄wed Abasi oro ẹsiakde ẹsịn. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme August 1

“Ndi akpana ẹkpep nditọwọn̄ n̄kpọ ẹban̄a Abasi ke ini mmọ ẹdide n̄kpri, mîdịghe ndi ọkpọfọn akan ndibet tutu mmọ ẹkponi ndien ẹyak mmọ ẹmek ido ukpono mmọ? [Bet ibọrọ.] Kop mi se Bible ọdọhọde mme ete ẹnam. [Kot Ephesus 6:4.] Magazine emi ọnọ mme ete ye eka item nte mmọ ẹkemede ndikpep nditọ mmọ mban̄a Abasi.”

Awake! August

“N̄kpama ndifiọk se afo ekerede aban̄a itie N̄wed Abasi emi. [Kot 1 Samuel 16:23.] Nte itien̄wed emi owụtde, ikwọ enyene odudu. Ndi emekere ke ndusụk ikwọ ẹkeme ndinyene ndiọi utịp ke idem owo? [Bet ibọrọ.] Magazine emi eneme nte ikemede ndimek nti ikwọ ye nte ikemede ndin̄wam nditọ nnyịn ẹnam kpasụk ntre.”