Sịn Ifịk N̄wam Nditọete Fo Ẹnam Nti Utom

Mme Hebrew 10:24 ọdọhọ yak “ikere nte ikpedemerede kiet eken inọ ima ye nti utom.” Uwụtn̄kpọ oro nnyịn inịmde ye se itịn̄de ekeme ndin̄wam nditọete nnyịn. Tịn̄ nti ifiọkutom oro enyenede nọ nditọete ke esop mbufo. Nam mmọ ẹkụt ke esinen̄ede enem fi ndinam n̄kpọ Jehovah. Edi ifọnke emen mmọ odomo ye idem fo m̀mê ye mbon en̄wen. (Gal. 6:4) Da ukeme oro afo enyenede sọn̄ọ nditọete fo idem man mmọ enyene ‘ima ẹnyụn̄ ẹnam nti utom,’ idịghe ndinam esịt obiom mmọ nte mmọ ẹsụk ẹnamde nti utom. (Se n̄wed Ufọkn̄wed Utom, p. 158, ikp. eki. 4.) Edieke inamde nditọete nnyịn ẹnyene ima, emi ayanam mmọ ẹnam nti utom, utọ nte, ndinam nti n̄kpọ nnọ mme owo m̀mê ndikwọrọ ikọ.—2 Cor. 1:24.