Nte Ikpadade Okpokoro M̀mê Ukpatn̄kpọ Ikwọrọ Ikọ
Ndida okpokoro n̄wed m̀mê ukpatn̄kpọ emi ẹdọn̄de n̄wed n̄kwọrọ ikọ enen̄ede an̄wam mbon emi ẹnyenede eti esịt ẹdikụt akpanikọ. (John 6:44) Emi anam ẹdohọ mbiowo ẹnam ndutịm man ẹkekwọrọ ikọ ke ebiet emi mme owo ẹsinen̄erede ẹwak ke efakutom mmọ. Sia nnyịn mîsidaha ebiet kiet ke ini ikamade ukpatn̄kpọ emi idọn̄de n̄wed ikwọrọ ikọ, edi isimende-men enye isan̄a, ufọn idụhe ndika n̄kọdọhọ ukara m̀mê owo ekededi mbemiso inamde emi. Mmanie ẹdot nditiene n̄kwọrọ ikọ ke utọ itie emi? Mme asuanetop emi ẹnyenede mbufiọk, emi ẹsisịnede n̄kpọ ọfọn, ẹsinyụn̄ ẹnen̄erede ẹdiọn̄ọ ndinyene nneme ye mme owo. Man ukwọrọikọ emi enen̄ede enyene ufọn, yak ineme se ẹkpenamde ye se owo mîkpanamke.