Mme N̄wed Emi Ẹsiakde ke N̄wed Mbono Esop Uwem ye Utom Nnyịn
AUGUST 12-18
w89 5/15 31 ¶5
Mme Mbụme Ẹtode Mme Andikot
Enye ke akpanikọ ikonyịmeke ye editịn̄ ikọ ekededi mbiat akpaimọ mbon Crete ke orụk m̀mê ke ekpụk. Nnyịn imekeme ndinịm oro ke akpanikọ, koro Paul ama ọfiọk ete ke Crete nti Christian oro Abasi okonyịmede onyụn̄ eyetde aran ke edisana spirit Esie ẹma ẹdu. (Utom 2:5, 11, 33) Mme esịn ifịk Christian ẹwakde ẹkem ndinam mme esop ke “obio ke obio” ẹma ẹdu. Ke adan̄aemi mme utọ Christian oro mîkedịghe mme mfọnmma owo, nnyịn imekeme ndinịm ke akpanikọ nte ke mmọ ikedịghe mme osu-nsu ye mme ama-udia eke ẹtiede ifu; ke ekpedide ntre mmọ ikpakaha iso ndinyene unyịme Jehovah. (Philippi 3:18, 19; Ediyarade 21:8) Ndien nte nnyịn ikụtde ke kpukpru idụt, etie nte ama odu mbon Crete oro ẹkenyenede esịt akpanikọ oro ẹkefụhọde ke ntak mme usụhọde idaha ido uwem ẹkekande mmọ ẹkụk ndien mmọ ẹma ẹben̄e idem ndinam n̄kpọ ntiene etop Christian.—Ezekiel 9:4; men Utom 13:48 domo.
AUGUST 19-25
it-1-E 1185 ¶1
Mbiet
Ndi enyene ini emi Jesus mîkebietke Ete esie nte ebietde idahaemi?
Jesus emi edide akpa edibon Eyen Abasi edi mbiet Abasi. (2Co 4:4) Sia edide enye ke Abasi ọkọdọhọ “yak nnyịn inam owo isịn ke mbiet nnyịn,” ọwọrọ toto ke ini emi ẹkebotde enye ke enye ekebiet Ete esie emi edide Andibot kpukpru n̄kpọ. (Ge 1:26; Joh 1:1-3; Col 1:15, 16) Ke ini Jesus okodude mi ke isọn̄ nte mfọnmma owo, enye ama enyene mme edu Ete esie ọyọhọ ọyọhọ, ke udomo emi owo ekemede ndinyene. Oro akanam enye ọdọhọ ete: “Owo eke okụtde mi okụt Ete n̄ko.” (Joh 14:9; 5:17, 19, 30, 36; 8:28, 38, 42) Edi enye ekenen̄ede ebiet Jehovah Abasi Ete esie ke ini enye ekesetde nte spirit, Jehovah onyụn̄ ọnọde enye “ofụri odudu ke heaven ye ke isọn̄.” (1Pe 3:18; Mt 28:18) Sia Abasi ama ekemenede enye enịm ke “itie emi okon̄de,” enye ama enen̄ede owụt ubọn̄ Ete esie akan nte enye okowụtde mbemiso enye ọkọkpọn̄de heaven edi isọn̄. (Php 2:9; Heb 2:9) Idahaemi enye edi “ata mbiet” Abasi.—Heb. 1:2-4.
it-1-E 1063 ¶7
Heaven
Psalm 102:25, 26 aban̄a Jehovah Abasi, edi apostle Paul ama ada se idude ke itien̄wed oro etịn̄ aban̄a Jesus. Enye akanam emi sia ikpọn̄-ikpọn̄ edibon Eyen Abasi emi ke Abasi akada obot ofụri ekondo. Paul okowụt ke Eyen Abasi edidu ke nsinsi, ke enye itiehe nte mme n̄kpọ oro ẹkebotde, emi edide edieke Abasi amade, enye ekeme ‘ndifụt mmọ nte akwa ọfọn̄idem’ enịm n̄kan̄ kiet.—Heb 1:1, 2, 8, 10-12; men 1Pe 2:3 domo.
AUGUST 26–SEPTEMBER 1
it-1-E 1139 ¶2
Idotenyịn
“Mme andibuana ke ikot eke heaven” (Heb 3:1) ẹnyene idotenyịn ndidu uwem ke nsinsi nnyụn̄ nnyene idem oro mîkemeke ndibiara. Mmọ ẹnen̄ede ẹnịm ke emi eyetịbe ke ntak n̄kpọ iba emi Abasi mîkemeke ndisu nsu mban̄a, oro edi, ikọ esie ye un̄wọn̄ọ esie. N̄ko, kpukpru se Abasi ọn̄wọn̄ọde ẹyesu ke ntak Christ, ndien enye odu idahaemi ke heaven inyụn̄ ikemeke ndikpa aba. Ntak edi oro ẹdọhọde ke idotenyịn emi etie nte “ukwak ubom ukpọn̄ nnyịn, emi mîdikpụhu, emi onyụn̄ ọsọn̄ọde ada, onyụn̄ ebede odụk esịt ikpehe, [nte akwa oku ekesidụkde Ata Edisana ke Usen Usio-Isop] ke ebiet emi enye emi ebede iso, kpa Jesus, okodụkde ke ibuot nnyịn, enye akabade edi akwa oku ke ukem usụn̄ oro Melchizedek ekedide.”—Heb 6:17-20.