Ndi Emesibre Bible Oro Ẹkotde-kot Ẹdọn̄ ke Intanet?

Bible oro ẹkotde ẹdọn̄ ke Intanet. Ẹkot Edikabade Eke Obufa Ererimbot ẹdọn̄ ke Intanet ke Ikọmbakara. Ndien ẹsikot enye nsịt nsịt ẹdọn̄ ke Intanet ke nsio nsio usem. N̄kpọ kiet emi anamde Bible oro enem edi ke nsio nsio owo ẹkot uyo mme owo ke Bible. Nte ẹnịmde uyo ẹkot Bible emi onyụn̄ asan̄a nnennen ye se iketịbede ke itie oro ẹkotde.

Didie ke Bible oro ẹkotde ẹdọn̄ ke Intanet an̄wam ndusụk owo? Ediwak owo emi ẹsikpan̄de utọn̄ ẹkop Bible emi ẹdọhọ ke anam Ikọ Abasi enen̄ede odụk mmimọ esịt. Mmọ ẹdọhọ ke nte nsio nsio owo ẹsikotde uyo mme owo ke Bible, esinam etie mmimọ nte ima idu ini n̄kpọ oro eketịbede onyụn̄ anam se ẹtịn̄de enen̄ede an̄wan̄a mmimọ. (N̄ke 4:5) Ediwak owo ẹdọhọ ke ndisibre Bible oro ẹkotde ẹdọn̄ ke Intanet n̄kop esinam esịt ana mmimọ sụn̄ ke ini esịt etịmerede mmimọ.​—Ps 94:19.

Ndikop nte ẹkotde Ikọ Abasi uyo ọwọrọ ekeme ndinam ikpụhọde. (2Ch 34:19-21) Edieke ẹkotde ofụri Bible m̀mê ndusụk ibuot n̄wed ke usem mbufo ẹdọn̄ ke Intanet, domo ndisibre mmọ ke ini ekpepde Ikọ Abasi.

ẸSE VIDIO ORO NTE ẸKENAMDE BIBLE ORO ẸKOTDE ẸDỌN̄ KE INTANET​—EKPRI ESIE, EKEM ẸBỌRỌ MBỤME EMI:

Nso ke ama ke nte ẹkenamde Bible oro ẹkotde ẹdọn̄ ke Intanet?