Da Ikpehe Intanet Nnyịn N̄wam Owo Oro Esemde Usem En̄wen
Wụt Enye Ikpehe Intanet Nnyịn: Wụt enye nte enye akpakade ebiet oro ẹwetde “Usem Ikpehe Intanet” man okokụt ikpehe oro usem esie odude. (Ke ndusụk usem owo isịnke kpukpru n̄kpọ.)
Wụt Enye Ebiet Oro Enye Ekemede Ndikụt N̄wed ke Usem Esie: Wụt enye ebiet oro kiet ke otu mme n̄wed nnyịn, utọ nte, n̄wed Bible Ekpep m̀mê tract Fiọk Akpanikọ odude. Mek usem enyeneufọk ke itie oro ẹwetde “Kot ke.”
Nam Enye Akpan̄ Utọn̄ Okop Ibuotikọ Kiet: Yom ibuotikọ oro enye ekemede ndikpan̄ utọn̄ n̄kop emi odude ke usem esie nyụn̄ bre nọ enye. Edieke edide afo ke ekpep usem en̄wen, kpan̄ utọn̄ kop nte ẹkotde ikọ ke usem oro man ekeme ndisem usem oro ọfọn.—Ka itie oro ẹwetde “Mme N̄wed ye Ndiye Uduot N̄kpri N̄wed” m̀mê “Mme N̄wed/Mme Magazine.”
Nọ Mme Inan Ikọ Ntiense: Edieke afo okụtde inan, bre vidio ke usem idiọn̄ọ nọ enye. Bre ibuot n̄wed Bible, m̀mê n̄wed, m̀mê ediye uduot ekpri n̄wed, m̀mê tract kiet nọ enye.—Ka itie oro ẹwetde “Mme N̄wed/Usem Idiọn̄ọ.”
[Ndise ke page 6]
(Ama oyom ndikụt nte enye enen̄erede etie, se n̄wed)
Domo Ndinam Emi
1 Fịk idiọn̄ọ emi ▸ man ebre se ẹkotde ẹsịn emi oyomde ndikpan̄ utọn̄ n̄kop (edieke odude ke usem mbufo) mîdịghe fịk kiet ke otu mme idiọn̄ọ ke “Nte Okposion̄ode” man osio n̄kpọ oro oyomde.
2 Mek usem en̄wen ke itie oro ẹwetde “Kot ke” man okụt se oyomde ke usem oro.
3 Fịk “Ka En̄wen” mîdịghe fịk “Se Isịnede” man okot ibuotikọ m̀mê ibuot n̄wed en̄wen.