Se Ẹkemede Ndinam Ini Ẹtiede ke Idem Mbufo Ẹkpep Ikọ Abasi M̀mê Ini Ẹtiede Nte Ubon Ẹkpep

Idịghe ini ikade mbono esop ye n̄kpri ye ikpọ mbono kpọt ke isikpono Jehovah. Imesikpono enye n̄ko ini itiede ke idem nnyịn ikpep Ikọ Abasi ye ini itiede nte ubon ikpep. Se ndusụk se ẹkemede ndinam mi ini ẹtiede ikpọn̄ ẹkpep m̀mê ke ini Utuakibuot Ubon:

• Ẹtịm idem ẹnọ mbono esop. Ẹmekeme ndikpep mme ikwọ emi ẹdikwọde, ẹnyụn̄ ẹn̄wam kpukpru owo ke ubon ẹtịm se ẹdibọrọde.

• Ẹkot mbụk ke Bible. Ekem ẹdrọ n̄kpọ kiet emi eketịbede ke mbụk oro, mîdịghe ẹwet se mbụk oro ekpepde mbufo.

• Ẹkot akam kiet ke Bible ẹnyụn̄ ẹneme nte oro ekemede ndinam akam mbufo ọfọn akan se ekesidide.

• Ẹse vidio kiet ke jw.org ekem ẹneme se ẹkesede, mîdịghe ẹwet ekpri n̄kpọ ẹban̄a vidio oro.

• Ẹtịm idem ẹnọ ukwọrọikọ. Ẹmekeme ndinam ndomonse nte ẹdikwọrọde.

• Ẹse mme n̄kpọ emi Jehovah okobotde ẹnyụn̄ ẹtie ẹkere se ẹkekụtde. Mîdịghe, ẹneme se mme n̄kpọ oro ẹkpepde mbufo ẹban̄a Jehovah.a