N̄kopitem Ama Anyan̄a Nnyịn!

N̄KPRI N̄KPRI utọk mbon Muslim ye mme Christian ama anam en̄wan asiaha ke January 19, 1999. To ke ebiet emi ntịme ọkọtọn̄ọde sịm ufọk mi ekedi n̄kpọ nte itiat iba. Editịm ikedịghe ekpri.a

Mma mmen n̄wan mi ye nditọ mi n̄kpọn̄ do, ekem n̄kot nditọete man ndiọn̄ọ nte n̄kpọ etiede ye mmọ. Mma ndọhọ mmọ ẹkûkop ndịk, ẹkûnyụn̄ ẹka n̄kan̄ oro ntịme ọsọn̄de ubọk. Ekem mbiowo ẹma ẹsan̄a ẹse nditọete, ẹda Ikọ Abasi ẹsọn̄ọ mmọ idem, ẹnyụn̄ ẹdọhọ mmọ ẹnịm mbono esop ke n̄kpri n̄kpri otu.

Ọfis ẹma ẹdọhọ nnyịn inam nditọete emi ẹdụn̄de ke ebiet emi ntịme ọsọn̄de ubọk ẹkpọn̄ do. Ima inam se mmọ ẹkedọhọde, edi eyenete kiet ikamaha ndikpọn̄. Mbon ntịme ẹma ẹwot enye nte ini akakade. Edi n̄kpọ ndomokiet ikanamke kpukpru mbon emi ẹkenyịmede ndinam se ọfis ẹkedọhọde.