Nam Ikọ Fo Odụk Owo Esịt

Mme N̄ke 3:1

SE AKPANAMDE: Nam mme owo ẹkụt ufọn n̄kpọ emi ekpepde mmọ ye nte mmọ ẹkpedade enye ẹdu uwem.

NTE AKPANAMDE:

• Nam mme owo ẹkere se mmọ ẹkpenamde. Bụp mbụme emi edinamde mme owo ẹkere se mmọ ẹkpenamde ẹban̄a se afo etịn̄de.

• Nịm ke mmọ ẹnen̄ede ẹma Abasi. Nam mme owo ẹkere ẹban̄a ntak emi mmọ ẹnamde n̄kpọ Abasi. Yak mmọ ẹkụt ke ata akpan ntak edi sia imama Abasi, ima ikọ esie, ye mme owo. Nam mmọ ẹkụt n̄ko ke ọfọn ndinam se Bible etịn̄de. Kûnam nte ọnọ nditọwọn̄ item, kûnyụn̄ unam nte ekpe ikpe ọnọ mmọ, m̀mê nditịn̄ n̄kpọ emi edinamde owo bụt. Edi yak ikọ fo anam mmọ ẹka iso ẹsịn idem ẹnam n̄kpọ Abasi.

• Nam mmọ ẹdiọn̄ọ utọ owo emi Jehovah edide. Nam mme owo ẹkụt ke se Bible ekpepde anam nnyịn ifiọk utọ owo emi Abasi edide ye nte enye amade nnyịn. N̄wam mmọ ẹsitie ẹkere m̀mê se mmọ ẹyomde ndinam eyenem Jehovah esịt m̀mê idinemke.