Nsu Kiet Aman Nsu En̄wen

APOSTLE PAUL ọkọdọhọ mme Christian oro ẹkedude ke n̄kpọ nte isua 2,000 emi ẹkebede ete: “Ẹkpeme idem.” Ntak emi enye ọkọdọhọde mmọ ẹkpeme idem? “Mbak edidi odu owo eke edidade ukpepn̄kpọ akwaifiọk owo ye ikpîkpu abian̄a obụme [mmọ] nte asan̄ade ekekem ye item owo.”—Colossae 2:8.

Okposụkedi emi Paul ọkọnọde item emi, ke n̄kpọ nte isua 100 ẹma ẹkebe, ndusụk mme Christian ẹma ẹtọn̄ọ ndida ekikere mbon akwaifiọk eset n̄kpep ukpepn̄kpọ mmọ. Ntak-a? Mmọ ẹkeyom mme ọfiọkn̄wed owo ke Obio Ukara Rome ẹnyịme ukpepn̄kpọ mmimọ man ikpenyene ediwak mbet.

Justin Martyr, emi ekedide kiet ke otu mme Christian oro ẹkewọrọde etop ẹkan, ọkọdọhọ ke Etịn̄ikọ ke ibuot Abasi ama owowụt mbon akwaifiọk Greece idem ata anyan ini mbemiso enye ekedide isọn̄ nte Jesus. Justin ye mbon oro ẹketienede ẹkpep utọ ukpepn̄kpọ oro ẹkedọhọ ke ndida ekikere akwaifiọk ye n̄ke ndisịn ke Ido Ukpono Christ akanam ofụri ekondo ẹma ido ukpono emi.

Orụk Ido Ukpono Christ oro Justin Martyr ọkọtọn̄ọde ama anam enye ọkọ ediwak mbet. Edi ndikenyịme nsu kiet akanam ẹtịbi ediwak nsu en̄wen ẹdi, mmọ ẹnyụn̄ ẹkabade se ẹnịmde idahaemi nte mme ukpepn̄kpọ Christian. Man ọfiọk ke mme ukpepn̄kpọ emi idịghe akpanikọ, da se mme n̄wed ndụn̄ọde oro ẹtienede mi ẹtịn̄de domo ye se Bible enen̄erede ekpep.

[Mme Ebiet Ẹdade Ndise Ẹto ke page 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; mme angel: Art Resource, NY; ndise abasi-ita-ke-kiet: Museo Bardini, Florence