Ekebe Mbụme

◼ Nso ke nnyịn ikeme ndinam man in̄wam ke ndifori mme ufọn mbono esop nnyịn?

Ndusụk owo ẹkeme ndinyene ntụhọ edikere nte ke mbiowo ye mme asan̄autom unamutom ẹnyene ofụri mbiomo kaban̄a mme mbono esop ndikụt unen sia mmọ ẹsinịmde ẹnyụn̄ ẹsede ẹban̄a ekese ikpehe. Ke akpanikọ, kpukpru nnyịn imekeme nditịp n̄kpọ nsịn ọkpọkpọ kaban̄a edinyene mme inem inem mbono esop oro ẹnọde ufọn. Nnyịn imekeme ndin̄wam ke ndinam mme mbono esop ẹtịm ẹnyene uforo ke usụn̄ duop ẹtienede mi:

Bem iso tịm idem. Ke ini nnyịn itịmde idem mfọn mfọn, mme mbono esop ẹsimụm udọn̄ nnyịn. Ke ini kpukpru nnyịn inamde emi, mme mbono esop ẹnyene uwem ẹnyụn̄ ẹnen̄ede ẹdi se ibọpde-bọp. Dụk kpukpru ini. Ediwak ibat mme andidụk esinen̄ede esịn udọn̄ ọnọ kpukpru mbon oro ẹdụkde, anamde ẹtịm ẹkụt nte edidụk edide akpan n̄kpọ. Sịm ke eti ini. Edieke idude ke itie mbemiso ndutịm ọtọn̄ọ, nnyịn imekeme ndibuana ke ikwọ ye akam ediberede ndien ke ntem ibọ ọyọhọ ufọn ito mbono esop. Tịm idem mfọn mfọn di. Ke ndida Bible nnyịn ye (mme) n̄wed ẹkamade ke mbono esop, nnyịn imekeme nditiene nse inyụn̄ itịm ifiọk se ẹnemede. Fep se iwọn̄ọrede ntịn̄enyịn. Nnyịn imekeme ndinen̄ede nnọ n̄kpan̄utọn̄ ke ini itiede ke iso iso. Edidọn̄ odu ye edika itie uka ikọt ndien ndien ẹkeme ndinam nnyịn ye mbon en̄wen ikûnọ n̄kpan̄utọn̄. Di andibuana. Ke ini ediwak nnyịn imenerede ubọk inọ ibọrọ, ẹda ikọ mbuọtidem ẹsịn udọn̄ ẹnọ ediwak owo ẹnyụn̄ ẹnam ẹkọri. Nọ mbio mbio ibọrọ. Emi ọnọ ediwak owo nte ekekeme ifet ndibuana. Nnyịn ikpenyene ndinam mbio mbio ibọrọ nnyịn ẹtre ke n̄kpọ emi ẹkpepde. Nam se ẹnọḍe ẹnam. Nte nditọ ukpepn̄kpọ Ufọkn̄wed Utom Ukara Abasi m̀mê nte mme andibuana ke Esoputom, ẹtịm idem edifọn edifọn, ẹbem iso ẹnam ndomonse, ẹnyụn̄ ẹdomo ndidi ndinam. Toro mme andinyene n̄kpọ ndinam. Sian mbon en̄wen adan̄a nte ẹmade mme ukeme mmọ. Emi anam mmọ ẹkọri onyụn̄ esịn udọn̄ ọnọ mmọ ndikam nnam ọfọn akan ke ini iso. Sịn udọn̄ nọ kiet eken. Ekọm mfọnido ye nneme oro ọbọpde-bọp mbemiso ye ke mme mbono esop ẹsuanade ẹdian n̄kpọ ke inemesịt ye mme ufọn oro nnyịn ibọde ito edidụk mme mbono esop.