Obufa Ndutịm Usen Akpan Mbono

Ndutịm mme usen akpan mbono ọkọtọn̄ọ ke 1987. Mme mboho usen kiet ẹmi ẹkama nsịnudọn̄ ẹnọ mme asan̄autom Jehovah ye mbon oro ẹnyenede udọn̄ ẹmi ẹdụkde. Ọtọn̄ọde ke February 1999, ẹyeneme obufa ndutịm usen akpan mbono. Afo oyokụt ke utịn̄ikọ usụkkiet ye ediwak ndụn̄ọde ye mme ifiọkutom oro ẹnyene ufọn ke n̄kan̄ eke spirit.

Ibuotikọ obufa ndutịm emi edi “Wụt Esịtekọm nọ Okpokoro Jehovah.” (Isa. 65:14; 1 Cor. 10:21) Enye ọyọsọn̄ọ ubiere nnyịn nte ke ana utuakibuot Jehovah enyene ata akpa itie ke uwem nnyịn. (Ps. 27:4) Ikpehe eke esenyịn circuit edineme aban̄a “Edidụn̄ọde Mme Ekikere Esịt Nnyịn” kaban̄a edidụk mbono esop. Etịn̄ikọ edide esenowo oyowụt nnyịn nte ikemede ‘Ndimụm Idaha eke Spirit N̄kama ebe ke Ndidia Udia ke Okpokoro Jehovah.’ Ẹyenọ mme uyen oro ẹdude ke esop Jehovah ata nsịnudọn̄ ndimụm nsọn̄ọnda mmọ n̄kama ke ndinam n̄kpọ Abasi. Akpan utịn̄ikọ etịn̄ikọ otode-to edi, emi ibuotikọ edide “Ẹsọn̄ọ Idem ke N̄kan̄ eke Spirit Man Ẹnọ Ikọ Ntiense ye Uko,” oyowụt nte mme ndutịm ẹnamde ebe ke esop ẹtịmde nnyịn idem ndinọ ikọ ntiense aban̄ade Obio Ubọn̄ ye uko. Anie mîkpoyomke ndibọ ufọn nto ndutịm emi?

Mbufa mbon oro ẹyakde idem ẹnọ ẹmi ẹyomde ndina baptism ẹkpenyene nditịn̄ nnọ esenyịn oro etiede ibuot usọp usọp nte ẹkekeme. Nnyịn imenyene mbuọtidem ke nte nnyịn itọn̄ọde ọyọhọ isua 12 eke ndutịm Usen Akpan Mbono emi, kpukpru owo oro ẹdidụkde ẹyemenede idaha mmọ ke n̄kan̄ eke spirit kaban̄a utom oro anade ke iso.