Ekebe Mbụme

◼ Didie ke ikpọbọ ọkpọkpọ Enyọn̄-Ukpeme ye Awake!?

Sia ẹma ẹketre ndutịm editobo Enyọn̄-Ukpeme ye Awake! oro ẹmịn̄de-mịn̄ ye enye oro ẹkotde-kot ẹsịn ke ọkpọ umụmikọ ke kpukpru usem ke isua ifan̄ emi ẹkebede, kpukpru asuanetop ẹkpenyene ndibọ mme magazine mmọ ke mme esop mmọ. Magazine Braille ye ọkpọ umụmikọ ikpọn̄ ke ẹsio ẹfep, emi ẹsinọde ẹsọk mbon oro ẹdotde ke mfọn. Mbọk tịm fiọk ete ke mme esop ẹkeme nditobo magazine ke babru Congregation Requests (M-202). Ẹkeme n̄ko ndida babru emi ntobo mme nsiondi oro ẹmịn̄de ke usem en̄wen ye mme nsiondi oro ẹmịn̄de ke ikpọ abisi.

Edieke owo ke efakutom mbufo oyomde ẹda magazine ẹsọk imọ kpukpru ini, mbọk kụt ete ke imetiene ndutịm emi ketket, man enye okûtaba ndomokiet. Mbon mbịnmfep ẹkeme ndibọ magazine m̀mê n̄wed eken oro mmọ ẹyomde ke itie ubọ n̄wed ke Ufọkmbono Obio Ubọn̄. Owo ikpenyeneke ndisịn enyịn̄ mbon mbịnmfep ke afan̄ magazine.

Ọfis n̄kọk itieutom ọyọnọ mme editobo ẹsọk mbon oro mme asuanetop esop mîkemeke ndida magazine nsọk ke mme afan̄ magazine. Edieke Kọmiti Utom Esop ọnọde editobo ẹsọk owo oro mîkemeke ndibọ mme magazine, ewetn̄wed ekpenyene ndisịn ekpri leta anamde an̄wan̄a nte ke Kọmiti Utom Esop ẹma ẹdụn̄ọde editobo emi ẹnyụn̄ ẹnọ unyịme.

Emi ọwọrọ nte ke mme asuanetop ikpenyeneke ndiwet ọfis n̄kọk itieutom nyom ọkpọkpọ editobo. Ẹyefiak ẹnọ utọ editobo oro ẹsọk esop, edide oto mme asuanetop m̀mê mbon oro ẹnyenede udọn̄.

◼ Didie ke owo n̄kpọkọbi ekeme ndinyene ọkpọkpọ magazine?

Edieke esop oro esede n̄kpọ aban̄a utom ukwọrọikọ ke ufọk-n̄kpọkọbi ekemede ndida magazine nsọk mbon oro ẹdude ke ufọk-n̄kpọkọbi, do owo oro odude ke ufọk-n̄kpọkọbi ekpenyene ndibọ ọkpọkpọ Enyọn̄-Ukpeme ye Awake! esie nto mme asuanetop oro ẹsikade do. Ke ebiet oro owo mîkemeke ndinam oro, owo n̄kpọkọbi ekeme nditobo ọkpọkpọ n̄wed ebe ke ndiwet ọfis n̄kọk itieutom. Mbọk tịm fiọk ete ke mbon mbịnmfep oro ẹdude ke ufọk-n̄kpọkọbi ẹkeme ndibọ mme ọkpọkpọ magazine mmọ ke ukem usụn̄ oro ẹnemede ke ikpehe ekikere emi.