Edieke Ẹyomde N̄wed ke Esen Usem Usọp Usọp
Ndusụk ini imesisobo mme owo oro ẹmade ndikot mme n̄wed nnyịn ke esen usem oro esop nnyịn mînyeneke ke itie unịm n̄wed. Ndi ọmọfiọk ke edieke esikade Intanet onyụn̄ ẹnyenede ukwak umịn̄n̄wed, ke emekeme ndimịn̄ n̄wed ke n̄kpọ nte usem 400 ke idemfo? Se nte ekemede ndinam oro mi:
• Ka ikpehe Intanet nnyịn, www.watchtower.org.
• Ke ubọk nnasia akpa ikpehe oro, oyokụt enyịn̄ ndusụk usem. Fịk ebiet oro ndise ererimbot odude man okụt enyịn̄ kpukpru usem oro odude.
• Fịk usem oro oyomde. Ikpehe kiet ọyọwọrọ edi onyụn̄ owụt mme n̄wed oro afo ekemede ndimịn̄, utọ nte mme tract, ndiye uduot n̄kpri n̄wed, ye mme ibuotikọ. Sia ẹwetde n̄kpọ ke ikpehe emi ke usem oro afo oyomde, kûfịna idem edieke mûdiọn̄ọke mme ibuotikọ oro.
• Fịk ibuotikọ ekededi. N̄wed oro ọyọwọrọ edi ke iso kọmputa ndien afo emekeme ndimịn̄.
Se isịnede ke ikpehe Intanet nnyịn iwakke; afo emekeme ndibọ mme n̄wed efen efen ke esop. Ke ndondo oro afo okụtde ke owo oro enyene udọn̄, ọkpọfọn ọdọhọ esop ẹtobo n̄wed.