Nọ Ikọ Ntiense Uko Uko ke Efakutom Mbubehe
1. Ntak emi idem mîkpememke nnyịn edieke ndịk anamde nnyịn ndinọ ikọ ntiense ke mme itie mbubehe?
1 Ndi ndịk esinam fi ndinọ ikọ ntiense ke mme itie mbubehe? Edieke edide ntre, kûyak idem emem fi koro Paul emi ekedide ọkwọrọikọ emi mîkopke ndịk okosụk oyoyom uko man ọkwọrọ ikọ. (1 Thess. 2:2) Iyeneme ndusụk mfịna ye nti ekikere oro ẹnọde ẹban̄a nte ẹkpekande ndịk emi.
2. Ntak emi nnyịn mîkpafịnake idem m̀mê mme anamutom ẹyeyat esịt?
2 Ndi Ediwaha Nnyịn Ayayat Mbonutom Esịt? Mbon oro ẹnamde utom ke ediwak itie mbubehe ẹfiọk ke mme owo ẹyewaha itie mmimọ. Mmọ ẹyefọn ido ye afo sia ẹkerede ke afo edi ndinam mbubehe ye mmimọ. Edieke esịnede n̄kpọ uku uku onyụn̄ etiede ufan ufan, mmọ ẹyenam n̄kpọ ye afo ukpono ukpono.
3. Nso ke ikpanam mbak nnyịn idifịna mbonurua?
3 Ndi Nnyene Ndikwọrọ Ikọ ke Ini Ediwak Mbonurua Ẹdude? Edieke ekemede, ka ke ini emi mbonurua mîwakke; emi ekeme ndidi ke ndondo oro ẹbererede itie mbubehe. Bet tutu esenyịn itie mbubehe oro odu ikpọn̄ mbemiso akade ebịne enye. Nam nneme fo edi ibio ibio.
4. Nso ke ikpetịn̄ ke ini ikwọrọde ikọ ke mme itie mbubehe?
4 Nso ke N̄kpetịn̄? Edieke mbonutom ẹwakde do, nyene neme ye akwa owo mmọ. Emekeme ndidọhọ ete: “Ọsọsọn̄ ndikụt mme anam mbubehe ke ufọk, ntak edi oro idide itie mbubehe fo. Mmọfiọk ke anam n̄kpọ, ntre ndibiatke fi ini.” Ọkpọfọn itre nditịn̄ mban̄a ndutịm etịbe ibọhọke ẹbụp nnyịn nte isisede iban̄a utom nnyịn, mbak owo edikere ke nnyịn idi mme anyam n̄kpọurua. Etiene orụk mbubehe, afo emekeme ndiben̄e esenyịn mbubehe ayak fi eneme nneme ibio ibio ye mbonutom. Fiak neme se ekenemede nọ mmọ. Edieke etiede nte ke owoutom inyeneke ini, nam edi ibio ibio nyụn̄ nọ enye tract. Edieke mîdịghe se enemede nneme ye mbonutom, ẹkeme ndiwụt fi ebiet oro edinịmde n̄wed ọnọ mmọ.
5. Mme ntak ewe ke inyene ndinọ ikọ ntiense uko uko ke mme itie mbubehe?
5 Jesus ye Paul ẹma ẹsikwọrọ ikọ uko uko ẹnọ mme owo ke mme itie mbubehe mmọ, afo emekeme ndinam ntre n̄ko. (Matt. 4:18-21; 9:9; Utom 17:17) Dọhọ Jehovah anam esịt ana fi sụn̄ onyụn̄ anam fi enyene uko. (Utom 4:29) Ẹsiwak ndikụt mme owo ke mme efakutom mbubehe, ntak mûdomoke ikpehe unọ ikọ ntiense oro enyenede uforo mi use?
[Chart ke page 3-6]
IBATUTOM OFỤRI ERERIMBOT ISUA UTOM 2011 EKE MME NTIENSE JEHOVAH
(Se Utom Obio Ubọn̄ Nnyịn)