Se Idin̄wamde Nnyịn Idi Nti Mme Ọkwọrọikọ—Kwọrọ Ikọ ke Itie Mbubehe

Ntak Emi Edide Akpan N̄kpọ: Ke ini ikade ukwọrọikọ, nnyịn isikwe ediwak owo ke ufọk sia mmọ ẹsiwọrọde ẹka utom, ntre ọkpọfọn ika ikọkwọrọ ikọ inọ mmọ ke mme itieutom mmọ. Esinem ndikwọrọ ikọ ke itie mbubehe sia imesikụt ediwak owo ikwọrọ ikọ inọ. Ndien mme anam-mbubehe ẹsifọn ido ye mbon oro ẹwahade itie mbubehe mmọ sia ẹkerede ke mmọ ẹdi ndinam mbubehe ye mmimọ. Ọfọn inyene mbufiọk, isịne ọfọn̄ ọfọn inyụn̄ ikama idem ọfọn man mme owo ẹma ukwọrọikọ nnyịn. (2 Cor. 6:3) Ntem esenyịn utom ekpenyene ndidiọn̄ọ nsio nsio ini oro ẹkwọrọde ikọ ke mme itie mbubehe, ye mbon oro ẹkwọrọde ikọ do.