Da Ikpehe Intanet Nnyịn Nam N̄kpọ ke An̄wautom
Dọhọ Mme Owo Ẹsika Ikpehe Intanet Nnyịn: Mbon oro mîsimaha ndikop ukwọrọikọ nnyịn m̀mê ndibọ mme n̄wed nnyịn ẹsinyịme ndinam ndụn̄ọde mban̄a Mme Ntiense Jehovah ke ikpehe Intanet jw.org ke ini mmọ ẹdude ke ufọk mmọ. Ke ntre, da ifet ekededi oro enyenede nam mme owo ẹfiọk n̄kpọ ẹban̄a ikpehe Intanet nnyịn.
Bọrọ Mme Mbụme: Ndusụk ini, enyeneufọk, owo oro enyenede udọn̄, m̀mê owo oro nnyịn idiọn̄ọde ekeme ndibụp nnyịn mbụme mban̄a Mme Ntiense Jehovah m̀mê se nnyịn inịmde ke akpanikọ. Da kọmputa m̀mê n̄kpọ ekededi emi ẹkemede ndida ndụk Intanet wụt enye ibọrọ kpa ke ebe oro. Ediwak ini, mfọnn̄kan n̄kpọ esidi ndikot itie N̄wed Abasi nnennen ke Bible. Edieke mûkamake n̄kpọ ekededi emi ẹkemede ndida ndụk Intanet, sian owo oro nte enye ekemede ndika jw.org n̄koyom ibọrọ ke idem esie.—Ka itie oro ẹwetde “Se Bible Ekpepde/Mme Mbụme Bible Oro Ẹbọrọde” m̀mê “Aban̄a Nnyịn/Mbụme Emi Ẹsiwakde Ndibụp Mban̄a Mme Ntiense Jehovah.”
Nọ Ibuotikọ Kiet M̀mê Ofụri N̄wed Ẹsọk Owo Emi Afo Ọdiọn̄ọde: Sio n̄kpọ ke PDF m̀mê EPUB dian ke e-mail nọ ẹsọk owo. Mîdịghe sio n̄wed oro oyomde ndikokop nte ẹkotde, sịn ke CD. Ini ekededi oro osiode ofụri n̄wed, ediye uduot ekpri n̄wed, m̀mê magazine ke ikpehe Intanet nnyịn ọnọ ẹsọk owo, emekeme ndibat enye nte n̄wed oro enịmde. Kûnọ owo ofụri n̄wed ini kiet kûnyụn̄ utre ndisịn enyịn̄ fo ke ini ọnọde n̄kpọ ẹsọk owo. Kûsio n̄kpọ ukusịn ke Ikpehe Intanet en̄wen ekededi.—Ka itie oro ẹwetde “Mme N̄wed.”
Wụt Mme Owo Mme Mbụk Ndondo Emi Oro Ẹban̄ade Mme Ntiense Jehovah: Emi ayan̄wam nditọ ukpepn̄kpọ Bible ye mbon en̄wen oro afo ọkwọrọde ikọ ọnọ ẹtọn̄ọ ndima utom oro nnyịn inamde ke ofụri ererimbot ye edidianakiet oro inyenede. (Ps. 133:1)—Ka itie oro ẹwetde “Mbụk.”
[Ndise ke page 5]
(Ama oyom ndikụt nte enye enen̄erede etie, se n̄wed)
Domo Ndinam Emi
1 Ke idak “Mme N̄wed,” mek n̄kpọ oro afo oyomde ndisio, nyụn̄ fịk idiọn̄ọ oro owụtde se oyomde ndikokot m̀mê se oyomde ndikokop nte ẹkotde-kot ẹsịn.
2 Fịk “MP3” man okụt ibuotikọ kiet kiet. Fịk ibuotikọ oro oyomde ndisio mîdịghe fịk idiọn̄ọ emi ▸ edieke oyomde ndikokop nte ẹkotde-kot.
3 Mek usem en̄wen ke itie emi edieke se oyomde ndisio edide ke usem oro.