Mme Usụn̄ Unyene Nneme

Enyọn̄-Ukpeme August 1

“Nnyịn iwaha ufọk mme mbọhọidụn̄ nnyin man iwụt mmọ nte ẹkpeyọde n̄kpọ emi esiwọrọde kpukpru owo. N̄kpọ kiet emi esinen̄erede abiak mme owo edi ke ini owo emi mmọ ẹmade akpade. Ndi esibiak fi ke ini owo akpade? [Bet iboro.] Kop se Bible etịn̄de mi aban̄a n̄kpa. [Kot Ediyarade 21:3, 4.] Bible ọdọhọ ke Abasi ayanam mbon nnyịn emi ẹkpade ẹset. Magazine emi etịn̄ nte Abasi edinamde emi.”

Ẹdemede! July–August

“Ke eset nditọwọn̄ ẹma ẹsikop item. Edi enen̄ede ọsọn̄ ndinam mmọ ẹkop item idahaemi. Ndi ọmọdiọn̄ọ se inamde ọsọn̄? [Bet ibọrọ.] Bible etịn̄ ntak emi anade nditọ ẹkop uyo mme ete ye eka mmọ. [Kot Mme N̄ke 29:15.] Nso ye nso ke mme ete ye eka ẹkpenam man nditọ ẹkop item, ndien nso ke owo mîkpanamke? Oyokụt ibọrọ mbụme emi ye ibọrọ mbụme eken ke page 8 ye 9 n̄wed emi. Oro ayan̄wam mme ete ye eka ẹdiọn̄ọ se mmọ ẹkpenamde man nditọ mmọ ẹnen̄ede ẹdiọn̄ọ idem ẹma ẹkpon.”