Nte Ikpọnọde Nti Ibọrọ

Nti ibọrọ ẹsisọn̄ọ nditọete nnyịn idem. (Ro 14:19) Mbon emi ẹnọde nti ibọrọ ẹsinyụn̄ ẹtiene ẹbọ ufọn. (N̄ke 15:23, 28) Ntem, akpana isidomo ndibọrọ ọkpọkọm mbụme kiet ke mbono esop. Imọdiọn̄ọ ke idịghe kpukpru ini emi imenerede ubọk ke ẹdikot nnyịn ibọrọ mbụme. Ntre ọfọn ndiben̄e idem ndibọrọ nsio nsio mbụme.

Eti ibọrọ . . .

• isiwakke n̄kukọhọ, esin̄wan̄a owo, isinyụn̄ iniọn̄ke ikaha. Owo ekeme ndinọ eti ibọrọ ke sekọn 30 m̀mê osụhọrede akan oro

• esidi ikọ idem owo

• iwọrọke ndifiak ntịn̄ se owo en̄wen ama ọkọbọbọrọ

Edieke ẹbemde iso ẹkot fi, . . .

• bọrọ mbụme oro ẹbụpde do ibio ibio

Edieke edide ẹbọbọrọ mbụme oro, afo emekeme . . .

• nditịn̄ mban̄a itie Bible oro anamde se ẹsụk ẹnemede oro an̄wan̄a

• nditịn̄ nte se ẹnemede oro ebehede nnyịn

• nditịn̄ nte ikemede ndinam se ẹnemede oro

• ndinọ uwụtn̄kpọ m̀mê ndibụk ibio ibio ifiọkutom oro edinamde se ẹnemede oro an̄wan̄a