NTE CHRISTIAN OKPODUDE UWEM
Ma Mme Owo Nte Jehovah Amade
Ima Jehovah inyeneke mbiet. (Ps 103:11) Enye isimaha owo ke usen kiet m̀mê iba, edi esima ke nsinsi. Enye isinyụn̄ imaha owo itiene nte etiede enye ke idem. Ata ima edi ndinen̄ede n̄kpere owo. Jehovah ama owụt ke imama ikọt esie Israel ke nsio nsio usụn̄. Enye ama osio mmọ ke ufụn ke Egypt onyụn̄ ekpeme mmọ edisịm Isọn̄ Un̄wọn̄ọ. (Ps 105:42-44) Enye ama esin̄wana ọnọ ikọt esie onyụn̄ efen mmọ ke ini mmọ ẹduede enye. (Ps 107:19, 20) Edieke inen̄erede ikere nte Jehovah amade ikọt esie, ọyọdọn̄ nnyịn ndima mme owo n̄ko.—Ps 107:43.
ẸSE VIDIO ORO “SITI NTE JEHOVAH OWỤTDE KE IMỌ IDITREKE NDIMA NNYỊN,” EKEM ẸBỌRỌ MME MBỤME EMI:
Didie ke ikeme ndiwụt ke imama mme owo?
Ntak emi anade inam se ikekeme man iwụt ke imama mme owo?