Jesus Ayanam Ubuene Etre

Ini Jesus okodude ke isọn̄, enye ama owụt ke imenen̄ede ima mme owo, akpan akpan mme ubuene ye mbon emi ẹdude ke nnanenyịn. (Matthew 9:36) Enye ama akam enyịme ndikpa nnọ mme owo. (Matthew 20:28; John 15:13) Jesus ọmọn̄ afiak owụt nte imọ imade mme owo ke ndida odudu emi Abasi ọnọde enye nte Edidem Obio Ubọn̄ Abasi nnam ubuene etre ke ofụri ererimbot.

Se nte Bible obụkde se Jesus edinamde:

• “Yak enye ekpe ikpe mbon ukụt, yak enye anyan̄a nditọ ubuene.”​—Psalm 72:4.

Nso ke ikpanam ndiwụt ke imama kpukpru se Jesus anamde ọnọ nnyịn ye se enye edinamde ke ini iso? N̄kpọ kiet emi ikemede ndinam edi ndikpep n̄kpọ en̄wen en̄wen mban̄a “eti mbụk obio ubọn̄ Abasi,” sia se Jesus ekesikwọrọde edi oro. (Luke 4:43) Kot ibuotikọ emi “Nso Idi Obio Ubọn̄ Abasi?”