Emekeme Ndidi Ufan Jehovah

Jehovah Abasi oyom fi enen̄ede ọdiọn̄ọ imọ. Enye ọdiọn̄ọ ke edieke afo enen̄erede ọdiọn̄ọ imọ ye se imọ imade inyụn̄ iduakde ndinam, ke oro ekeme ndinam fi enen̄ede ekpere imọ. Ndi emenịm ke emekeme ndidi ufan Abasi? (Kot Psalm 25:14.) Nso idinam fi edi ufan Abasi? Bible ọbọrọ mbụme oro, onyụn̄ etịn̄ ntak emi ndidi ufan Jehovah ọfọnde akan ndidi ufan owo ekededi.

1. Nso ke Jehovah ọdọhọ fi anam?

James 4:8 ọdọhọ ‘isan̄a ikpere Abasi, ke enye ayasan̄a ekpere nnyịn.’ Itie Bible oro owụt ke Jehovah oyom fi edi ufan imọ. Esisọn̄ ndusụk owo ndinịm ke imekeme ndidi ufan Abasi sia nnyịn mîkwe Abasi. Edi Jehovah Abasi etịn̄ ediwak n̄kpọ aban̄a idemesie ke Bible man an̄wam nnyịn inen̄ede idiọn̄ọ enye inyụn̄ ikpere enye. Kpa ye oro nnyịn mîkwe Jehovah, ndikot se enye etịn̄de ọnọ nnyịn ke Bible esinam inen̄ede ikpere enye.

2. Nso inam Jehovah ọfọn akan ufan ekededi emi inyenede?

Idụhe owo emi amade fi nte Jehovah. Enye oyom fi okop inemesịt, esinyụn̄ etịn̄ mfịna fo ọnọ imọ ini ekededi oro oyomde un̄wam. Emekeme ‘nditop kpukpru editịmede esịt fo ndori enye ke idem, koro enye ekere aban̄a fi.’ (1 Peter 5:7) Jehovah esin̄wam mme ufan esie onyụn̄ ọdọn̄ mmọ esịt; enye esikpan̄ utọn̄ ọnọ mmọ kpukpru ini.—Kot Psalm 94:18, 19.

3. Nso ke Jehovah oyom mme ufan esie ẹnam?

Jehovah ama kpukpru owo, “edi Enye edi ata ufan ye ndinen owo.” (Mme N̄ke 3:32) Jehovah oyom mme ufan esie ẹnam se enye amade ẹnyụn̄ ẹsua se enye asuade. Ndusụk owo ẹsikere ke mmimọ idikemeke ndinam se Jehovah amade nnyụn̄ ntre kpukpru se enye asuade. Edi ti ke Jehovah edi Abasi mbọm. Enye ama owo ekededi emi amade enye ke ofụri esịt onyụn̄ anamde se ekemede man enem enye esịt.—Psalm 147:11; Utom 10:34, 35.

SỊN IDEM KPEP

4. Abraham ama edi ufan Jehovah

Bible ọnọ nnyịn mbụk Abraham (m̀mê Abram), onyụn̄ anam nnyịn ikụt se isinamde owo edi ufan Abasi. Kot se ẹtịn̄de ẹban̄a Abraham ke Genesis 12:1-4. Ekem ẹbọrọ mbụme emi ẹnyụn̄ ẹneme ẹban̄a mmọ:

• Nso ke Jehovah ọkọdọhọ Abraham anam?

• Nso ke Jehovah ọkọn̄wọn̄ọ ndinam nnọ enye?

• Nso ke Abraham akanam ke Jehovah ama ọkọdọhọ enye ọkpọn̄ obio esie?

5. Se Jehovah oyomde mme ufan esie ẹnam

Ediwak owo enyene nte mmọ ẹsiyomde mme ufan mmọ ẹnam n̄kpọ.

• Nso ke afo esima mme ufan fo ẹnam ẹnọ fi?

Kot 1 John 5:3, ekem ẹbọrọ mbụme emi ẹnyụn̄ ẹneme ẹban̄a enye:

• Nso ke Jehovah oyom mme ufan esie ẹnam?

Ndusụk ini esina ikpụhọde edu m̀mê ido nnyịn man ikeme ndinam se Jehovah amade. Kot Isaiah 48:17, 18, ekem ẹbọrọ mbụme emi ẹnyụn̄ ẹneme ẹban̄a enye:

• Ntak emi Jehovah oyomde mme ufan esie ẹkpụhọde?

6. Se Jehovah esinamde ọnọ mme ufan esie

VIDIO: Jehovah Anam Etieti ye Ami (3:20)

• Nso ke Jehovah anam emi esin̄wamde eyenan̄wan oro esịt ama etịmede enye?

Kot Isaiah 41:10, 13, ekem ẹbọrọ mbụme emi ẹnyụn̄ ẹneme ẹban̄a mmọ:

• Nso ke Jehovah ọn̄wọn̄ọ ndinam nnọ mme ufan esie?

• Ndi emekere ke ọfọn edi ufan Jehovah? Nso inam ọdọhọ ntre?

7. Jehovah oyom mme ufan esie ẹsineme nneme ye enye

Nneme esinam mme ufan ẹnen̄ede ẹdiana kiet. Kot Psalm 86:6, 11, ekem ẹbọrọ mbụme emi ẹnyụn̄ ẹneme ẹban̄a mmọ:

• Didie ke isitịn̄ ikọ inọ Jehovah?

• Didie ke Jehovah esitịn̄ ikọ ọnọ nnyịn?

SE IKPEPDE

Jehovah oyom fi edi ufan imọ; enye ayan̄wam fi enen̄ede ekpere enye.

Se M̀mê Emeti

• Didie ke Jehovah esin̄wam mme ufan esie?

• Ntak emi Jehovah oyomde mme ufan esie ẹkpụhọde?

• Ndi emekere ke se Jehovah ọdọhọde mme ufan esie ẹnam ọsọn̄ akaha? Nso inam ọdọhọ ntre?

KPEP N̄KPỌ EN̄WEN

Nso ufọn ke edidia edieke edide ufan Abasi?

“Jehovah—Abasi Oro Odotde Ẹfiọk” (Enyọn̄-Ukpeme, February 15, 2003)

Se nte ekpedide ata ufan Abasi.

“Didie ke N̄keme Ndidi Ufan Abasi?” (Mme Mbụme Oro N̄kparawa Owo Ẹbụpde —Mme Ibọrọ Oro Ẹnyenede Ufọn, Eboho 2, ibuot 35)

Se se inamde eyenan̄wan kiet ọdọhọ ke ndidi ufan Jehovah anam imọ idu uwem isịm mfịn.

“N̄koyomke Ndikpa!” (Enyọn̄-Ukpeme No. 1 2017)

Kop nte mme uyen ẹtịn̄de ẹban̄a nte mmọ ẹdade Jehovah.

Nso Ufọn ke Edidia Ekpedi Ufan Jehovah? (1:46)

6. Baptism esinam Jehovah abat owo esịn ke otu ikọt esie

Ke ini inade baptism, imetiene idụk ubon ikọt Abasi emi ẹdianade kiet ẹnyụn̄ ẹdude ke ofụri ererimbot. Kpa ye oro itode nsio nsio itie ye nsio nsio ubon, kpukpru nnyịn inịm ukem n̄kpọ isinyụn̄ idu uwem nte Abasi oyomde. Kot Psalm 25:14 ye 1 Peter 2:​17, ekem ẹbọrọ mbụme emi ẹnyụn̄ ẹneme ẹban̄a enye:

• Didie ke owo ndina baptism ekeme ndinam owo ekpere Jehovah ye ikọt esie?

2. Nso idinam uwem nnyịn enyene ufọn idahaemi?

Jehovah Abasi okobot nnyịn ke usụn̄ emi edinamde ọdọdọn̄ nnyịn ndinam n̄kpọ esie nnyụn̄ n̄kpono enye. (Kot Matthew 5:​3-6.) Abasi oyom nnyịn ikpere imọ, “isan̄a ke usụn̄ esie, inyụn̄ inam n̄kpọ esie ke ofụri esịt.” (Deuteronomy 10:12; Psalm 25:14) Ikpanam se Abasi oyomde emi, iyokop ata inemesịt inamke n̄kpọ m̀mê nso utọ mfịna isịm nnyịn. Esịt esinem nnyịn ima inam n̄kpọ Jehovah, sia imọdiọn̄ọ ke nnennen n̄kpọ ke inam oro.