N̄kukụt Emi Anamde Itetịm Ibuọt Idem ye Abasi

9:1-7

Kere nte eketiede Jesus ke idem ke ini ẹkekpụhọrede enye mbiet, ndien enye okop Ete esie eke heaven ọdọhọde ke imọ imenyịme enye. Anaedi emi ama ọsọn̄ọ Jesus idem ndiyọ se idiwọrọde enye ke mîbịghike. N̄kukụt oro ama enen̄ede otụk Peter, James, ye John, onyụn̄ anam mmọ ẹnen̄ede ẹnịm ke Jesus ekedi Messiah, ndien ke ọfọn nte mmimọ ikpan̄de utọn̄ inọ enye. N̄kpọ nte isua 32 ke oro ebede, Peter okosụk eteti se iketịbede onyụn̄ ọdọhọ ke n̄kukụt oro anam imọ inen̄ede inịm “ikọ mme prọfet.”​—2Pe 1:​16-19.

Okposụkedi emi nnyịn mîketieneke ikụt n̄kukụt oro, imokụt nte enye osude. Jesus ke akara nte Akwa Edidem. Ibịghike, enye ‘oyokụre edikan esie’ onyụn̄ ọtọn̄ọ obufa ererimbot.​—Edi 6:⁠2.

Didie ke ndikụt nte mme prọfesi Bible ẹsude anam etetịm ọbuọt idem ye Abasi?