Afo Emekeme Ndikụt Item Uwem!
“Abasi ọkọnọ odudu spirit ẹda ẹwet ofụri N̄wed Abasi.” (2 Timothy 3:16) Emi ọwọrọ ke Abasi eketeme mbon oro ẹkewetde Bible se mmọ ẹkpewetde.
Abasi Ọdọhọ Anam Item Imọ Man Adia Ufọn
“Ami Jehovah . . . [n̄kpep] fi man afo ọbọ ufọn, Enye emi anamde fi asan̄a ke usụn̄ emi afo akpasan̄ade. Afo akpakam akpan̄ utọn̄ ke mme ewụhọ mi! Do emem fo ekpetie nte akpa mmọn̄, edinen ido fo okponyụn̄ etie nte mbufụt inyan̄.”—ISAIAH 48:17, 18.
Da nte ke Abasi etịn̄ ikọ emi ọnọ fi. Enye ekeme ndinam esịt ana fi sụn̄ onyụn̄ anam okop inemesịt.
Afo Emekeme Ndinyene Item Emi Abasi Ọnọde
‘Ẹnyene ndikwọrọ eti mbụk ke kpukpru idụt.’—MARK 13:10.
“Eti mbụk” oro esịne se Jehovah ọn̄wọn̄ọde ndinam, utọ nte nditre ufen, ndinam isọn̄ edi Paradise, nnyụn̄ nnam mbon nnyịn oro ẹkekpade ẹfiak ẹdidu uwem. Etop emi ke Mme Ntiense Jehovah ẹkwọrọ ke ofụri ererimbot.